辦熱帶雨林考察團 滙豐幫客戶拓眼界

如果你問黛安，一間銀行最重要嘅任務係咩？我嘅答案係幫客人財富增值。但「財富」唔止錢，仲包含知識同涵養，所謂知識就是財富嘛！

今時今日好多銀行都會提供多元化服務為高端客戶增值，黛安收到風，最近滙豐踩過界做埋旅行團，幫高端客戶搞咗個「可持續發展考察之旅」，帶客人去馬來西亞婆羅洲熱帶雨林探秘，進行環境保育探索。行程屬滙豐早前編製嘅《成就富足人生》50項必試體驗之一，本來只限銀行高層同私人銀行客戶參與，最近開始開放予滙豐尚玉客戶參加。參加者除咗可以喺「守望地球」研究院（Earthwatch Institute）及皇家學會東南亞雨林研究合作組科學家陪同下，深入丹濃谷（Danum Valley）了解熱帶雨林生物多樣性，仲可以近距離觀察紅毛猩猩、婆羅洲侏儒象、鼯鼠和長臂猿等難得一見嘅動物。

呢類深度遊唔止為客人自我增值，亦可反思如何可持續地生活、投資和增值。黛安都希望之後都有機會跟滙豐去開下眼界。