換「朱朱」「牛牛」陶瓷杯 歎維他牛奶熱飲

「如果太多牛奶味，朱古力味無掟企！」每次聽到呢首歌，都會勾起黛安好多童年回憶，仲會即時諗起維他朱古力牛奶飲品嘅味道。最近收到公關姊妹寄來嘅小禮物，原來係一對「朱朱」同「牛牛」嘅3D陶瓷杯，造型好可愛。最近天氣轉涼就啱晒，以後黛安可以買返幾盒朱古力奶返公司，倒入杯放進微波爐叮熱嚟飲，飲完即刻暖笠笠啦！

如果你都想將「朱朱」同「牛牛」陶瓷杯捧返屋企，記得去超市同便利店換購。即日起去指定7-ELEVEN、Circle K及Vango，買任何維他牛奶或朱古力牛奶飲品滿20元，即可加10元換購「牛牛」陶瓷杯；而「朱朱」陶瓷杯就要喺指定超市先搵到，包括百佳、惠康、華潤萬家及大昌食品，大家購買維他牛奶及朱古力牛奶飲品滿50元，即可免費獲「朱朱」陶瓷杯。數量有限，換完即止！