新城市廣場3期 推創新智能育嬰室

照顧小朋友往往令唔少新手父母頭痛，其實善用科技就幫到手！黛安收到風，沙田新城市廣場3期最近推出咗連串「智多FUN」親子新體驗，當中全面優化嘅創新智能育嬰室，仲有多項智慧型貼心配套設施，畀各位「小顧客」可以體驗最新科技。

話明係智能育嬰室，除咗暖奶器、洗手消毒液等基本設備外，仲有著名美國品牌Hatch Grow智能換片台，等父母可以即時從智能顯示屏睇到BB嘅體重，而且有埋暖暖濕紙巾呵護寶貝嬌嫩嘅肌膚。另外，智能育嬰室旁邊仲新增咗4間獨立哺乳室，大大增加私密度，仲可以聲控播放智NET音樂Playlist，等小寶貝可以放鬆心情享受同媽咪嘅互動時光。真係好貼心。