OTO聯乘Sanrio 去萬寧換按摩小物

長期對住電腦工作，返屋企又要煲劇，黛安經常頸梗膊痛，最近收到風，知道按摩專家OTO正式喺萬寧登場，只要購物後儲夠印花或積分，就可以低至2折獨家召「換」聯乘嘅Sanrio characters按摩小物系列，隨時隨地幫你按摩鬆一鬆，驅走疲勞！

今次嘅按摩小物有5款，包括無綫設計嘅OTO Hello Kitty無綫扭扭頸肩鬆、OTO Little Twin Stars無綫眼舒適、OTO Hello Kitty無綫輕盈腰背鬆，和OTO布甸狗無綫深層按摩器，輕巧實用兼不受電綫束縛，加上針對唔同部位，好似眼、頸、腰背、大腿、小腿，甚至深層肌肉，隨時覺得累就可以攞嚟按摩。

另外，仲會推出結合足部按摩器和小腳凳嘅OTO Hello Kitty Qseat Lite足部按摩器。公關姊妹話，按摩器採用包複式設計，並備有揉捏、氣壓、刮痧和抖動按摩功能，凳頂更配備溫熱功能，溫暖雙足，裏裏外外都紓緩到腳部疲勞啊！

心動不如行動，即日起至明年1月8日，喺萬寧購物每滿60元，就有1個印花，MannCard會員儲夠20個印花或300分，就可以低至2折換購喇。