將軍澳廣場「吃得好」 即摘即食水耕菜

想生活健康，梗係要有良好飲食習慣啦。黛安噚日就去咗將軍澳廣場，原來佢哋一連3個星期都有「習慣吃得好」健康生活體驗活動，除咗逢周四至日舉辦有機市集同美食車，等大家可試到最fresh嘅食材外，商場仲同本地創科企業Farmacy合作，利用創新農業科技培植真正「Made in Hong Kong」嘅蔬菜、食用花卉和香草，仲將商場變身室內水耕種植場，畀大家有「即摘即食」嘅新鮮體驗。

Farmacy水霧耕首席執行官麥嘉晉（Raymond）話，今次將亞洲首部全環控智能移動水耕種植機搬入商場，等大家可以零距離享受新鮮農作物︰「我們唔單止帶來常見嘅蔬菜，仲有啲稀有香草，同食用花卉可以畀大家即摘即食。」Raymond仲話，希望活動可以教埋到場嘅小朋友，想解決全球糧食危機要由源頭着手，「本地新鮮種植安全又環保，可以為地球出一分力。」

除咗種菜，點樣烹調都好緊要。商場仲請嚟註冊營養師同廚藝學院導師，即席開班搞烹飪教室教整親子營養餐，由清新越式小食到創意卡通便當都有得學。周末工作坊仲會教大家整環保蜜蠟布keep住食材鮮味，仲有製作天然酵素清潔劑工作坊㖭。未來兩星期大家都去玩下啦。

活動詳情

日期︰即日起至10/11

地點︰將軍澳廣場1樓中庭

活動︰烹飪教室（3/11、10/11）、周末美食車及有機市集（逢周四至日）、環保蜜蠟布工作坊（3/11）、天然酵素清潔劑工作坊（10/11）

詳情︰https://bit.ly/2VONaae