TVB型男美國回流做足10年綠葉 轉戰星洲爆紅即離巢 如今竟破紀錄...

「大隻仔」溫家偉近日於新加坡爆紅，首次做男一就打破當地收視紀錄，認真厲害！昨日他在社交平台公開長文，宣布同TVB結束10年賓主關係，到新加坡發展。其實溫家偉在月中已離巢，他承認與TVB理念及條件不太同步，所以不續約，但他坦言加入公司10年還是有點不捨得。

{{hket:inline-image name="19.jpg"}}{{/hket:inline-image}}

(溫家偉instagram)

美國回流選美入行 捱足10年做綠葉苦等機會

今年32歲的溫家偉在美國紐約長大，2008年回香港參加《2008年度香港先生選舉》，最後由冠軍大熱變成少年組3強，落選後回美國石溪大學完成學業。2009年7月，溫家偉為加入TVB追演藝夢回流香港，同年12月起擔任明珠台天氣主播。入行多年，溫家偉於劇集多做閒角，或客串1、2集角色，最令觀眾印象深刻就是他有份主持的節目《食得峰騷》、《搵食飯團》，以及《特技人》裡戲份較多的角色「芝麻」。溫家偉拍劇之餘，曾跟家人合資逾百萬開自家雪糕三明治店，一嘗做老闆的滋味。

{{hket:inline-image name="11.jpg"}}{{/hket:inline-image}}

(東星娛樂)

{{hket:inline-image name="14.jpg"}}{{/hket:inline-image}}

(溫家偉instagram)

{{hket:inline-image name="16.jpg"}}{{/hket:inline-image}}

(溫家偉instagram)

直到2017年，溫家偉獲邀到新加坡拍攝英語劇集《學潮》，擔當第2男主角，該劇早前在韓國奪得亞洲電視劇獎項。及後2年，溫家偉在新加坡頻頻接到劇集邀約，發展順利。溫家偉一抓到機會就會博盡，早前為廣告極速減肥已經令十字韌帶斷裂，要停工差不多8個月，之後又為大陸電影《素人特工》突然增肥40磅到200磅，結果食到嘔，不過溫家偉話可以跟荷里活影星Milla Jovovich合作拍攝已非常高興。除此之外，他還有做動作訓練、功夫、拳擊等等，為將來接拍武打功夫片裝備自己。如今溫家偉在新加坡擔正的劇集《Last Madame》已成為最高收視的劇集，打破當地首個星期最高收視紀錄。

{{hket:inline-image name="12.jpg"}}{{/hket:inline-image}}

(溫家偉instagram)

{{hket:inline-image name="15.jpg"}}{{/hket:inline-image}}

(溫家偉instagram)

{{hket:inline-image name="17.jpg"}}{{/hket:inline-image}}

(溫家偉instagram)

新加坡爆紅為上位博到盡 離巢仍不忘感激TVB

溫家偉早前接受《晴報》專訪時表示：「以前做綜藝節目唔算辛苦，反而可以令好多觀眾認識自己，只係辛苦在入行10年一直都冇一套係我代表作，真係好想拍劇。新加坡有好多外國製作公司同電影公司，我去到新加坡就做男主角，機會比較多，所以我都好榮幸同開心。」不過溫家偉仍很感激在TVB曾經幫助他、給過他機會的監製、導演，希望大家日後會再見。「多謝喺呢10年，TVB畀咁多機會，冇TVB就冇呢一個大隻仔。仲記得我第一次行入TVB係個好驚、唔識講中文嘅小朋友，不過因為TVB我學識咗好多嘢」，從字裡行間都體會到他飲水思源。

溫家偉又表示會繼續努力在香港發展，為此開設新YouTube頻道，做YouTuber跟網民分享生活大小事；又找新經理人公司簽約，希望拍多點電視劇、電影、廣告。另外溫家偉已跟新加坡混血靚女Sofia分手，現時會在新加坡、香港、大陸3地奔走，專心工作。

{{hket:inline-image name="13.jpg"}}{{/hket:inline-image}}

(溫家偉instagram)

撰文：張芷晴