卡樂B兩款新味薯條 港限定登場

黛安本身都係一個零食控，平時都買唔少零食返公司與同事分享，嚟緊又有新選擇喇！因為熱爆日本零食界嘅卡樂B，最近推出咗香港期間限定嘅「PotaRico薯條（紫菜味）」新口味，香濃惹味嘅紫菜埋藏薯條棒內，乾淨利落得嚟，仲伴隨着一股日式醬油香味，啖啖經典日本味，好正啊！

除咗紫菜味之外，另一星級推介係「CornRico粟米條（甜粟米味）」，打開包裝後濃濃嘅粟米甜味即刻衝晒出嚟，入口香脆可口，仲帶住一絲絲粟米香，同紫菜味一樣口感鬆脆又富有層次，呢兩款新產品喺9月中起，就會喺各大超級市場、便利店同零食店發售，大家都去買嚟試下啦。