逾200款中秋美食 去德福最平6折掃貨

距離中秋節仲有唔夠一個月，又係時候同家人聚埋一齊食月餅！聽公關姊妹講，德福廣場下星期五（30日）至9月12日期間，將會舉辦「月滿中秋•特色美食」市集，雲集18間參展商，涵蓋200幾款傳統、特色月餅同應節小食等，總有一款啱你！

黛安知道，今次市集月餅口味相當齊全，好似榴槤月餅咁，就有齊流心冰皮、貓山王軟心同黑鑽榴槤荳蓉月餅等口味，非常多元化。唔啱榴槤亦唔緊要，場內仲有多款來自老字號嘅雙黃蓮蓉、五仁等傳統口味，以及冰皮極品官燕奶黃月餅等；另有攤位會賣埋雞仔餅、雞仔糕、中西樵餅等特色懷舊食物，真係聽到都流口水啊！推廣期內，個別應節食物優惠更低至6折，記住快啲嚟掃貨喇！