Big Mac超值餐載譽重臨 加碼版用料足 啖啖牛肉滋味

無論係學生哥定打工仔，放學或收工經過麥當勞，相信都會抵受唔住誘惑要去買個套餐醫下肚。黛安聽公關姊妹講，下星期一（26日）起，Big Mac同Double Big Mac超值套餐會強勢回歸，仲有脆薯皇同全新玉泉忌廉珍寶新地樂等美食都一齊返嚟喇，聽完係咪好想即刻去買番個套餐食下呢。

黛安一諗到Big Mac入面兩塊軟嫩juicy嘅百分百純牛肉已經好心動，仲有配搭咗7種上乘材料，加埋鬆軟芝麻麵包，同埋大家最鍾意嘅芝士同秘製惹味醬汁，啖啖牛肉滋味真係勁吸引。另外，同步推出用4塊百分百純牛肉炮製嘅Double Big Mac，呢個加碼版用料咁足，更加可以滿足到各位「牛魔王」啦。

而Big Mac同Double Big Mac超值套餐，分別只係29元同35元咋，價錢真係超抵食。公關姊妹仲話，只要畀多4.5元加大個餐，就可以配增量裝嘅脆薯皇或大薯條同大汽水；又或者加7.5元升級做大大啖組合，即可配增量裝脆薯皇或大薯條、玉泉忌廉珍寶新地樂。玉泉忌廉汽水上面仲有涼入心嘅雪糕，黛安已經流口水喇。除咗漢堡包，黛安最鍾意就係食脆香雞翼。麥當勞會同步推埋蒜香脆香雞翼、滋味十足嘅脆味分享盒同大大啖雞翼桶。脆脆嘅外層配搭嫩滑嘅雞肉，鍾意食炸雞嘅朋友，開Party嘅時候一定要叫嚟同姊妹們Happy Share！

黛安提提大家，Big Mac超值套餐及Double Big Mac超值套餐供應地點唔包括海洋公園、沙田馬場及跑馬地馬場、機場離境大堂嘅麥當勞餐廳呀，記得要留意。