東海堂送夏日新品 賀《晴報》8周年

黛安最近同《晴報》班姊妹食飯，見到佢哋喺度密密斟，細問之下，原來《晴報》今個月將迎來8周年，之前佢哋仲搞咗送禮活動慶祝報慶，真係恭喜啊！黛安在此先祝《晴報》業務蒸蒸日上，一紙風行；尤其是正能量滿溢，貫徹其健康風格。

為咗慶祝《晴報》8周年報慶，黛安聽聞美心集團旗下嘅東海堂，噚日就送咗4款夏日新產品畀《晴報》，就係沖繩菠蘿、盛夏鮮果、真夏椰子、日本日向夏，別致嘅水果造型，感覺非常清新，其中沖繩菠蘿更加係夏日限定，夾層內粒粒果肉、果凍、慕絲和果醬，唔單止好睇，仲好好味，而且甜而不膩。

《晴報》班姊妹就同黛安分享，話近年《晴報》嘅同事每人都好用心做好內容畀讀者睇，亦都好多謝讀者們嘅支持，《晴報》會繼續提供最豐富嘅資訊畀大家。