大新流動交易App 技術分析助篩選股票

流動支付愈來愈方便，黛安知道大新銀行最近推出咗流動證券交易應用程式「流動證券交易App+」，簡單3個步驟就可以篩選股票、實時監察、追蹤股票同即時接收推送通知喇，非常方便！

黛安聽大新銀行執行董事兼財富管理處主管陳維堅講，新App係希望提升財富管理嘅數碼化發展，幫唔同類型投資者解決選股方面可能遇到嘅困難而設計，無論係投資新手、自主投資者，定係技術性投資者，買賣股票更加得心應手。

程式內配置「Power Screener策略選股」或「Power Tracker追蹤策略」功能，大新銀行證券客戶都可以免費用「Power Screener策略選股」，只需3個步驟就可從多項基本和技術分析自訂策略，系統會篩選符合策略嘅股票，仲可一按帶到交易版面，in-App完成交易程序。