女友紀念日花心思親手製禮物 男友嫌棄：送埋啲垃圾完全無用

如果花了心思送禮物卻被嫌棄，大家會有何感想？一名女網民日前在連登發帖，指為慶祝拍拖半周年，因此花了心思及時間親手整禮物給男友。未料，男友竟然十分嫌棄，直指是「垃圾」、「完全無用」。對於男友的反應，女網民感到十分受傷，慨嘆：「我係咪好蠢？……我都係變返做一個港女乜都唔送咪算。」

樓主男友直指禮物是「垃圾」

樓主在網上討論區「連登」以「親手整禮物比男友，佢話我送埋啲垃圾」為題發帖，指為了迎接半周年紀念，她親手製作了一個「爆炸盒」送給男友，「即係入面癡滿哂相、機關、寫晒字咁樣，諗住紀錄依半年嚟嘅回憶。」為了準備如此浩大的工程，她事前買了很多貼紙、卡紙等材料，並特地揀選相片去沖曬出來；但與男友出街拍拖時，當對方看到該些材料，竟然將之稱為「垃圾」。 至半周年紀念當晚，她將準備多時的爆炸盒送給男友，對方竟表現得相當嫌棄，

「依架同佢食緊飯，佢對自己嘅言語完全無歉意，我同佢講我用咗好多心機整，佢話我送埋啲垃圾完全無用。」

樓主：我係咪好蠢？

雖然她「嬲到食唔落飯」，但男友竟然當無事發生過，繼續開心用餐。她續指，她曾親手整卡送給男友，「佢嘅反應都係望兩眼就算，有好幾次係話隔咗成個星期先記得拆嚟睇。」最後，她傷心地詢問一眾網民：

「我係咪好蠢，仲花時間整埋啲手工嘢畀佢？依個年代仲邊有人會花時間整手工嘢畀人，仲要花心機寫滿晒字。我身邊啲朋友都唔會咁做，我都係變返做一個港女乜都唔送咪算！」

有網民替樓主感到不值

此事引來網民熱議，不少人替樓主感到不值，著她看開一點，「呢啲人完全唔會理人感受，同佢落去都唔會開心」、「唔鍾意都唔使咁樣呀」、「男仔係咁㗎啦，心思嘢點會欣賞」、「我都想有個好似樓主咁有心思嘅另一半，自己一番心意畀人話係垃圾真心hurt」、「唔鍾意都算，仲要話垃圾仲要由得你嬲，其實真係好賤，樓主快啲心淡走人好過」。

有網民質疑：明知佢唔鍾意仲送？

不過，亦有網民認為樓主是「攞苦嚟辛」，「明知佢唔鍾意，你仲送呢啲做咩。送禮物原意係要對方開心，但你係送你鐘意唔係佢鍾意嘅嘢，根本本未倒置」、「講真，收到之後咪最多開心一下，然後又收返埋喺櫃桶深深處」。

樓主：親手整禮物是因男友家庭富有

對此，樓主留言回應指出，她之所以選擇親手整禮物送給男友，是因為男友的家庭富有，其父母往往以物質滿足他，「基本上佢用嘅電子產品、手表都係名牌，根本唔需要我送。我自己係覺得既然佢物質環境咁豐富嘅時候，親手整嘅禮物唔係更可貴、更無價咩？」而最令她不開心的是並非禮物被嫌棄，而是男友從來不會花心思在她身上，

「佢只係掟幾百蚊出嚟求其食餐飯就算，佢咩都無構思過……就咁隊份禮物比我就算，個感覺好似交功課咁，好似只係用錢去買樣嘢應付我，而唔係真心為我付出。」

她曾經在忍無可忍時「喊住打篇文」給男友，未料對方竟表示「打緊機，轉頭睇」，令她倍感傷心。