McCafé推奶油多油占多 齊歎港式滋味

奶油多士平時去茶餐廳食得多，估唔到依家連麥當勞都有得食。黛安聽公關姊妹講，今日起McCafé就會推出全新奶油厚多士，同埋油占厚多士！

烤到外層脆脆地嘅厚多士，內裏鬆軟，最啱搭配雀巢同鷹嘜煉奶嘅奶油口味，濃郁嘅奶香味，聞落都流口水啦。另外，亦可以試下法國聖桃園杏桃果醬嘅油占口味，酸酸甜甜嘅清香口感都好吸引；仲有經典口味嘅奶醬厚多士，呢3款港式厚多士，當早餐、下午茶或者飯後甜品都好正。