SUPERFICTION登陸LCX 尋寶兼潮拍

黛安係韓迷，最近知道韓國設計界超人氣三人創作團隊SUPERFICTION獲海港城LCX邀請，即日起至8月18日期間會聯名推出「LCX x SUPERFICTION SUMMER ADVENTURE」展覽，一定要去睇啊！

SUPERFICTION係由負責手繪嘅金亨壹、主力動效與3D設計嘅宋蒀慜，和品牌設計李昌恩組成，佢哋嘅插畫、動畫喺全球享譽盛名，試過跟唔同品牌合作，包括LG、Nike等。

現場除咗三個可供潮拍嘅場景，仲有寶藏分布喺LCX指定位置，只要跟蹤寶藏地圖嘅綫索，成功智破「寶物關卡」就可換領限量禮品喇！另外憑指定消費或LCX會員積分，亦可換領LCX x SUPERFICTION兩大限量聯乘單品。