惡情侶沒按鈴搭過站亂咒罵 佛系車長看透世事不氣憤

到站前按鈴示意下車，是每個巴士乘客的責任。有巴士車長發文抱怨，早前一對疑似情侶因沒有按鈴示意落車而過站，遂要求他立即停車開門。他因安全問題拒絕後，該對男女竟然遷怒於他，更爆粗罵他「因住揸車X街死」。對此，一眾網民紛留言炮轟道：「佢哋當你有讀心術啊......咒人者得十倍報應！」

涉事男女沒按鈴示意下車

該名化名「低級巴士車長」的網民向「西客之道 Hispitality Secret」投稿，指自己有一晚駕駛A29P路線，由機場前往將軍澳站期間，當巴士駛過康盛花園站後，有一對男女拿著行李站在落車門旁邊，「但我好肯定當時冇人撳鐘，鐘燈亦無亮起。」

駛至翠林邨站時，有一家大細在該站截車，「咁我好自然地埋站開頭門上客」。未料，當他關門開車後「無啦啦就叮一聲」，該對男女大叫「喂！有落呀！停車啦！」，他聽罷便回應道：「你都冇撳鐘，落車要撳鐘㗎嘛！」該對男女聽到後，遂一邊站在落車門邊，一邊埋怨說「搞錯呀」，

「當時架巴士已經離開咗站頭，假如貿貿然停車畀佢哋落，隨時會有交通意外，所以某程度上都涉及到安全理由。」

男女下車後咒罵車長去死

至下一站富麗花園時，「嗰對男女啱啱先已經吱吱喳喳，『唔好係呢度落啦......好遠呀......』」；由於有人按鈴示意下車，他因此埋站開門讓乘客下車，「本身有另一個女人先行落咗，我見對男女唔落咪諗住閂門開車」。未料就在車門接近關上的時候，

「個男人突然用獅吼功大嗌『落車！』，我自己都比佢把聲嚇咗一嚇。其實我嗰刻覺得自己畀客玩，不過唔緊要，我好平靜咁答『好好好......咁我開返畀你落』。

雖然如此，但該對男女仍然不甘示弱。車長指出，男子一邊落車一邊罵他「正X街嚟」，而女子下車後「又係用獅吼功」，在車外對著車門大叫：

「因住揸車X街死呀！死司機！」

車長：落車前撳鐘係乘客應有責任

「其實做得巴士車長，每日遇到嘅乘客乜人都會有，」車長指出，下車前按鐘示意是乘客之責，

「我始終覺得，作為一個香港人，喺香港地搭巴士，上車前遞手截車同落車前撳鐘，係一個作為乘客嘅應有責任……我哋畀人鬧畀人玩唔緊要因為只要我哋未收工，都係有糧出。但你哋唔盡作為乘客嘅責任，浪費嘅只會係閣下寶貴既時間吧！」

{{hket:inline-image name="bus160720191.jpg"}}{{/hket:inline-image}}

網民認為咒人去死十分黑心

此事引來網民熱議，不少認為該對男女是「惡人先告狀」，而咒人去死更是黑心，「我試過係企喺到唔記得撳鐘，但點會有人自己錯就怪人」、「佢哋當你有讀心術啊......咒人者得十倍報應」、「咁招積唔好搭巴士啦！」

根據城巴的《乘客須知》，乘客須按鐘一次以示意落車，並應給予車長充足時間準備停站。同時，乘客亦不應以恐嚇、辱罵或淫褻性的言語或動作，或以任何方式騷擾車長或車廂內之乘客。