惡鄰養狗被投訴貼「貞子」報復 港男崩潰求助：嚇親老人家

如果大家遇上惡鄰，相信亦會很「頭痕」！一名住在屯門悅湖山莊的男網民日前在網上求助，指鄰居因不滿被其家中長輩投訴養狗，於是在玻璃窗貼上「貞子」狠瞪的圖片來恐嚇他們，十分恐怖。對此，他深感無助：「冇人幫到我！」

樓主前日（8日）在Facebook群組「悅湖山莊之友」發帖，表示自己與家人住在悅湖山莊4座，家中長輩因曾投訴鄰居養狗而被報復，「唔係嚇大家，但因為老人家投訴佢養狗，家陣恐嚇老人家！我仲有邊個可以信？」

{{hket:inline-image name="ni100720191.jpg"}}{{/hket:inline-image}}

他指出，鄰居應該已搬來8年，大約2、3年前開始養第1隻狗，「嘈住我即刻提出問題，佢話暫托」；未料幾個月後，鄰居再養多1隻貓，再幾個月又再養多隻1隻，

「點解我會知？佢放出走廊自己玩，嚇親老人家！我已經投訴咗兩年。最搞笑係佢大肚的，都咁冇陰公，唉。唔識為下一代積福。」

由於他求助無門，驚報警只獲類似「好平常啫佢裝飾，唔係刑事」的回覆，再加上他懷疑業主立案法團有心包庇該鄰居，因而感到十分無助，希望一眾街坊能提供建議協助他。

對此，不少街坊留言表示同情樓主，並直斥涉事鄰居十分過分，「咁樣貼張咁恐怖嘅poster，真係好過分，做街坊嘅你好我好，點解搞到神憎鬼厭呢！」、「損人利己的行為，他自家窗外常掛『人頭』，也不吉利呀」、「點解要咁做，左右鄰居！」、「證明這個狗主不是真正愛狗之人，連老人家都唔放過，何來愛心去愛寵物！」

同時，除了有網民建議報警、從民事申請禁制令外，亦有網民提議：「貼道符喺玻璃外反彈返佢！」、「掛個八卦喺度邪返佢！」對此，樓主回應道：

「我哋係受過教育的成年人，己所不欲，勿施於人。我仲要做榜樣畀小朋友睇，我哋將來社會取決於我哋點處理。」