女傭常煮「粉紅豬肉」懷孕港媽心驚 姐姐被提點反鬧：你唔鍾意我

食未煮熟豬肉，身體隨時感染寄生蟲！一名正在懷孕的媽媽在網上發帖抱怨，指家中的菲傭煮出半生熟排骨，「剪開仲係粉紅色」，而今次亦已非首次發生。最令她無奈的是，當她提醒對方要將豬肉煮熟時，對方竟反而認為被她針對。

外傭姐姐經常煮「粉紅豬肉」

該名媽媽昨日在Facebook群組「外傭僱主必看新聞訊息」發帖，指自己正在懷孕，且育有年幼女兒。然而，外傭姐姐卻經常煮出「粉紅豬肉」，令她甚為煩惱，

「姐姐蒸排骨唔熟，剪開仲係粉紅色。已經唔係第一次，上兩次蒸肉餅都係咁。仲要我大緊肚，家中有幾歲細女，最近非洲豬瘟事件......講完無歉意，話我唔鍾意佢。烚菜心嘅水唔夠滾，烚一陣就撈上嚟，半生熟。」

外傭姐姐覺得被針對

「我包容佢佢唔知，一話佢，佢就覺得被針對。」她進一步留言指出，工人姐姐來自菲律賓，差兩個月便完約，「完全唔鍾意人話佢，連教佢都唔like」；即使她多次詳細教導煮食方法及時間，對方依然我行我素，「我已經講得好清楚：水滾落，大火蒸起碼20mins。我睇返cam，佢頭15mins中火，後10mins用細火，話keep warm喎。」

網民提議：畀個計時器佢

對此，不少網民紛深表同情，同時亦提議各種解決方法，「佢係博你炒佢」、「大肚婆，唔好勞氣啦」、「較計時器啦！唔係人人煮嘢叻！」、「畀個計時器佢，再畀個蒸煮烚嘅需時嘅菜單佢」。另有網民認為，樓主可以嘗試改善與工人姐姐的關係，「只能夠其他嘢夾硬好似小朋友咁讚吓佢，等佢知道你是對事不是對人。」

感染寄生蟲嚴重可致命

據世界衞生組織資料指，囊蟲病（或稱絛蟲病）可由進食未經煮熟且受感染的豬肉、接觸患病者糞便或飲用帶絛蟲卵的污水感染。絛蟲的幼蟲會在肌肉、皮膚、眼睛和中樞神經系統內發育，繼而入侵包括腦部在內的其他器官，造成劇烈頭痛、失明，抽搐、癲癇發作，並且有致命風險。

腸胃肝臟科專科醫生李達榮早前接受《晴報》訪問時指出，絛蟲在人體內的潛伏期相當長，且症狀並不明顯，可能在感染數周至數月後，才出現腹痛肚瀉、體重驟降等病徵，病人本身不易察覺。為防感染絛蟲，李醫生建議大家多注重飲食衞生，尤其是豬肉必需確保完全煮熟方可進食。

香港食物安全中心亦提供3大貼士，幫大家遠離寄生蟲威脅：

- 豬肉中心部分必需以攝氏75度或以上持續烹煮至少15秒

- 如豬肉在烹調後仍有粉紅色肉汁流出，又或者中心部分呈紅色即代表未完全熟透

- 享用火鍋時應使用兩套筷子餐具，分別用來處理生熟食物，亦要避免將過多食物放在枱上以防交叉污染