挑戰綫上小遊戲 7-Eleven送1萬隻雞髀

自從7-Eleven推出咗全新包裝嘅自家品牌7-SIGNATURE叮雞系列之後，黛安真係一試難忘，最鍾意就係蜜汁雞髀同花雕雞髀，真係食過翻尋味。

聽公關姊妹講，7-Eleven由今日起至7月16號，會推出7-SIGNATURE叮雞系列綫上小遊戲「撳髀你食」大挑戰，等你可以喺Me-Time娛樂一番！玩法好簡單，參加挑戰者根據畫面指示，將7-SIGNATURE叮雞放入畫面中嘅微波爐，成功喺指定時間完成叮出滋味叮雞，就可以獲得「7-SIGNATURE雞髀免費電子換領券」1張，推廣期內總共送出超過10,000隻7-SIGNATURE雞髀啊！

另外，姊妹仲話即日起至7月2號，7-Eleven會推出限時優惠，一連7日憑優惠券購買1件7-SIGNATURE指定叮雞系列產品，即送1罐330毫升可樂，即刻揀定屬於你嘅一人滋味叮雞配搭啦！