新世界維港泳 今年暢游全新路綫

一年一度嘅「新世界維港泳」又嚟啦！今年會喺10月27號舉行，即日起接受公眾報名，聽講今年參與名額會比舊年增加超過10%至4,000人，規模係歷年之最，快啲報名啦！

今屆維港泳以「我不怕浪我就是浪」做口號，聽公關姊妹講，今年採用全新路綫，泳手會由灣仔金紫荊廣場公眾碼頭出發，以尖沙咀星光大道為終點。除繼續設有「競賽組」和「優悠組」，「國際組」亦邀請咗50位來自唔同國家同地區嘅頂尖泳手參加；仲喺「競賽組」中增設「大學杯」，邀請香港11間大學嘅學生，以隊際方式參賽，鼓勵更多年輕人投入運動。