【逃犯條例】趕赴維園誤會的士會坐地起價 原來的哥蝕住不斷義載遊行人士

「616」反修例遊行令「黑衣人」逼爆港島，因遊行人士太多以致市民難以順利到達維園。昨午一批學生在金鐘電召的士前往維園，司機上客後已經拒落表，至抵埗時更拒收一分一毫，著學生們趕快下車，又指自己一直堅持在港島兜客，只因「趕住去兜其他人去維園遊行」，令本以為的士會坐地起價的學生們感動萬分，形容「的士司機原來一直與我們同行」。

中文大學的「逸夫學生會 SCSU」在Facebook專頁發文，指昨日趕往維園參加遊行時，在金鐘站已擠滿「黑衣人」，見時間緊迫決定轉乘的士。

他們坦言在這種日子要找的士不容易，故以手機App加小費電召的士，盼盡快有司機接單。未料在訂單發出後，即獲司機「秒速接單」，他們一度心想「唉，啲的士佬都係有小費先肯接單。」

當的士來到後，因見還有2個空位，一度開窗慢駛，問路上的黑衣人需否前往維園起步遊行，惟因對方無意而作罷，然後接載他們前往維園。

直至他們即將落車時，始發現並無落表，且一直掛起「暫停載客」的紙牌，遂主動問他為何遊行仍在港島兜客，

學生：「係呢... 今日有遊行，你仲敢過黎港島，唔驚搵唔到食咩？好多司機都唔敢過海...」

司機：「遊行啫，冇乜所謂啦。」

學生：「係啦...唔知今日遊行多唔多人...」

司機：「一定要多啦！唔多就真係死得！」

抵埗後，因司機無落錶，他們便付上數十元車資，司機竟然堅拒絕收取，

司機：「得啦唔洗(使)比錢我喇」

學生：「唔好啦...你收咗佢啦」

司機：「你哋唔好畀錢我啦！你哋快啲落車啦！我仲趕住去兜其他人去維園遊行」

學生們大為感動，只好連聲向司機道謝，車門甫關上，的士已「一支箭標走」，這程車令他們意識到，其實有的士司與他們站在同一陣線，

「原來，司機一直與我們同行。今天的二百萬人遊行，你是其中一分子」。