積木+環保料建精密作品 學生成青協機關王

學生只要動動腦筋，人人都可以係科學奇才！黛安知道，青協之前舉辦咗一個「香港機關王競賽」，超過350位來自超過70間中、小學嘅學生組隊參加，即場砌出精密又富創意嘅機關作品，競逐「機關王」寶座。

聽公關姊妹講，隊伍要喺限定時間內，運用STEM知識、創意思維和解難能力，以積木零件和環保材料搭建作品，並即場進行測試評分，結果高小、初中和高中組嘅冠軍，分別由福榮街官立小學、博愛醫院陳楷紀念中學，以及皇仁書院嘅學生奪得。其中福榮街官立小學隊伍嘅機關，既複雜精密，亦穩健流暢，係唯一一隊能夠無誤地一次過完成20個關卡，認真厲害！