屈臣氏一卡通用 會員盡享大灣區優惠

屈臣氏會員優惠遲下唔再分地區喇！香港人每年平均去亞洲地區外遊2.2次，喺全亞洲排名第二，而大灣區嘅內地遊客亦鍾意嚟香港。黛安知道屈臣氏會員將自動升級做Watsons One Pass©「一卡隨享」，用所屬地區嘅會員身份可在旅遊時盡享海外屈臣氏會員優惠。粵港澳大灣區660間屈臣氏會率先試行，而香港會員憑「易賞錢」卡或「易賞錢」手機App亦可享相同禮遇。遲啲新加坡、馬來西亞、泰國、台灣和印尼等亞洲市場都會陸續推行。

黛安仲知道，屈臣氏喺亞洲連續10年成為最佳個人護理店品牌，有超過9,000萬個會員。屈臣氏集團首席營運總監倪文玲話，屈臣氏喺好多旅遊熱點都有店舖，見到顧客外遊時都會喺屈臣氏消費，所以將會員計劃國際化做到一卡通用。