輕鬆洗鑊 清洗秘訣只靠一片檸檬【強嫂家務小知識】

又係我星期五強嫂啦！原來不經不覺都同大家分享咗4個月嘅小知識啦，唔知大家覺得我啲小知識幫唔幫到大家呢？嗱，家務其實好易做呢！唔知大家屋企個鑊用得耐，係咪「黑蚊蚊」好似燒燶晒咁呢？今次就教大家點洗鑊！

對於啲完美型嘅家庭主婦嚟講，廚房裡面嘅廚具就係我嘅靈魂！不過啲鑊用得耐我又點可以畀佢「黑蚊蚊」呢！我好記得想當年我媽教落一招好Work，就係檸檬救鑊！

相關文章︰只需3.5小時將茶漬杯變新 輕鬆清洗陳年茶垢【強嫂家務小知識】

你可能會問，一個檸檬仔到底有咩咁犀利！但呢個方法我真係試過好多次，每次見到個鑊好似包公塊面咁黑嘅時候，我就會去買幾粒檸檬，同佢做個定期保養。

{{hket:inline-image name="1.jpg"}}{{/hket:inline-image}}

方法真係簡單到冇人相信，只要我哋將檸檬切片，放落個「黑蚊蚊」嘅煲，滿水煲到佢水滾，熄火之後浸佢2-3個鐘。浸完之後可以用番塊檸檬，加少少粗鹽，就會乾淨晒。靚到發晒光咁，唔講都冇人知我個鑊用咗幾年啦！

除咗洗鑊之外，如果你發現砧板用得耐用有陣臭味，用幾多洗潔精都幫唔到手！可以用中國嘅白酒，加入白酒將砧板浸2-3日，等啲酒精揮發同時令啲怪味走出嚟！

下次再教大家多啲小知識啦！

相關文章︰洗衣機污糟過廁所？強嫂教你2招天然洗機法【強嫂家務小知識】

精選健康知識，盡在 Healthy Life 健康男女
https://fb.com/HealthyLifeExpress/