現年53歲嘅華語天后林憶蓮無人不曉,同梅艷芳、王菲、鄭秀文並列為90年代四大天后,唱過無數經典歌曲,紅遍港台,同樣地佢嘅感情生活都為人津津樂道。林憶蓮2004年爆岀同台灣「音樂教父」李宗盛離婚,令唔少人惋惜,阿女李喜兒歸憶蓮教養,其後二人各有各新生活。不過再見亦是朋友,尋晚(3/5)林憶蓮被人影到現身台北,一身軍綠色外套,同女助手、女兒,仲有李宗盛一齊享用日本菜,期間林憶蓮同李宗盛有講有笑,氣氛和諧。呢次亦係二人自宣布離婚後首次被影到同框,睇嚟就算唔再係夫妻,佢哋關係都算良好。
(林憶蓮同李宗盛,圖片來源:東星娛樂)
林憶蓮嘅感情世界相當多姿多采,愛得轟烈,曾經歷四段感情,而且鍾情才子,反而不愛青靚白淨嘅靚仔。
(林憶蓮FB圖片)
同音樂才子許愿關係親密
天后嘅情史相吸晴,第一段係佢十幾歲,同商業電台DJ同事陳輝虹一齊,不過好快就分開咗。1987年,林憶蓮遇上音樂才子許愿,當時許願係佢嘅形象指導同排舞老師,無幾耐二人公開戀情,許愿擔任林憶蓮嘅唱片監製同經理人,佢哋更合組製作公司「星工廠」,圈內人都知二人關係親密,遺憾呢段感情1991年就結束。
(許愿FB圖片)
(陳輝虹,圖片來源:東星娛樂)
曾做第三者介入李宗盛婚姻
到咗1992年,林憶蓮戀上李宗盛,呢段感情最令人印象深刻,事關佢介入李宗盛同前妻朱衛茵的婚姻,背上「第三者」之名。李宗盛與朱衛茵嘅結婚,疑因憶蓮介入,1997年就以離婚收場。朱衛茵曾出書《真愛不死》披露同李宗盛嘅感情世界,講過:「離婚應該是兩個人各打50大板,我以前真的不是成熟的老婆」。1998年1月林憶蓮同李宗盛喺台灣舉行記者會,公開已懷孕同即將結婚嘅消息,同年開刀生了女兒李喜兒。惟二人婚後多次傳出婚變,到04年李宗盛發聲明,承認已同憶蓮離婚。
(網上圖片)
戀上細11歲音樂人恭碩良
結束6年婚姻後,林憶蓮曾同前男友陳輝虹復合,但於2006年再度告吹,直到2010年因合作演唱會結識細佢11歲嘅音樂人恭碩良,再度投入新戀情。恭碩良同林憶蓮低調處理戀情,但不時被傳媒拍到同憶蓮母女同行,睇嚟感情穩定,亦不時傳岀恭碩良求婚嘅消息,不過憶蓮都係拒絕,佢更於訪問時提過:「沒有結婚嘅打算,未來亦唔會有。」有傳憶蓮係為咗阿女喜兒,怕佢唔鍾意而選擇唔結婚。
(圖片來源:東星娛樂)
(林憶蓮同恭碩良不時合作演岀)
(恭碩良曾上電台講述林憶蓮對自己影響好大)