汪明荃主動求婚 風雨同舟30年 家英哥憑「一句話」收服阿姐芳心

羅家英同汪明荃拍拖20幾年，直到60歲先結婚，轉眼之間已經10年啦！家英哥同阿姐一直都係娛樂圈中模範夫妻，成日岀雙入對，好甜蜜，尋日係佢哋結婚周年紀念日，二人特地去食大餐慶祝，真係恩愛，阿姐仲祝福大家身體健康，開開心心。

{{hket:inline-image name="58453929_2356220951325163_6799397137538943761_n.jpg"}}{{/hket:inline-image}}

(汪明荃IG圖片)

咁感觸唔係無原因，到咗家英哥同阿姐呢個年紀，任何事情都比唔上健康同快樂重要。早前家英哥身體岀事，突發要入院醫治，所有工作都要暫停，搞到阿姐非常擔心，日日照顧老公三餐同陪佢覆診。安心靜養一排，家英哥近排總算好番好多，阿姐先可以放下心頭大石。

{{hket:inline-image name="56848260_133988617723934_7211741620594904394_n.jpg"}}{{/hket:inline-image}}

(汪明荃IG圖片)

汪明荃為人硬朗、要強，不過只要一關乎到家英哥，佢就會好緊張、好擔心。二人拍拖多年，其實家英哥錫阿姐錫到燶，拍拖期間成日公開同佢求婚，不過都畀阿姐拒絕，慘食檸檬，事關阿姐係事業型女性，好寄情工作，加上經歷過同前夫劉昌華嘅婚姻失敗，當時平衡唔到家庭同事業，令阿姐好痛苦，種種原因搞到佢拒絕再次結婚。最後走入婚姻，於2009年美國秘密註冊同家英哥結成夫婦，都係源於家英哥04年突然患上肝癌有關，阿姐曾經講過：「嗰時手術好大型，都割咗成7吋肝，我好驚會失去佢（羅家英），始終大家行咗咁耐，都係一家人嚟。」阿姐仲主動同羅家英提出結婚：「見佢咁慘，我就話：『不如等我照顧你啦！』」就咁樣，阿姐同家英哥決定要結為夫婦！

{{hket:inline-image name="50781805_385025555624532_5416286027442509592_n.jpg"}}{{/hket:inline-image}}

(汪明荃IG圖片)

唔少人都話汪明荃係一個女強人，亦都係工作狂，事業又好成功。當年阿姐憑大熱插曲《金絲雀》成為一線歌手；因《家變》成為電視台一姐，到後來仲拎埋香港十大傑出青年，政界又頗有地位，曾任保良局戊辰年董事局總理、人大政協。如此強勢嘅女人，到底家英哥點樣收服佢嘅芳心呢？

{{hket:inline-image name="ugvf.jpg"}}{{/hket:inline-image}}

(《經典詠流傳》影片截圖)

羅家英同汪明荃因粵劇結緣，當年合作《穆桂英大戰洪州》時，家英哥對阿姐一見傾心，為咗追求佢，專心陪佢練功一年。後來表演很成功，家英哥就甜爆示愛：「我不會讓人在舞台上欺負你。」，就係呢句説話，成功打動汪明荃嘅心，令阿姐超感動，仲即刻喺台上錫咗家英哥嘅臉頰一下，正式確立情侶關係。家英哥後來重提此事，深情咁話：「一個吻就是一個蓋章，從那之後我就是你的人了。」呢一吻，呢一句愛的宣言，令羅家英同汪明荃牽手走過30幾年歲月，白頭偕老！

{{hket:inline-image name="43578184_301349033927410_5951860634889089961_n.jpg"}}{{/hket:inline-image}}

(汪明荃IG圖片)