真係買到樓？省旅費27年50歲可儲230萬 港男大呻：首期都俾唔起

現今樓價持續高企，不少年輕人望洋興嘆。有男網民日前在網上討論區「連登」發帖，指年輕人如果自23歲起放棄去旅行，每年儲起4萬元旅費作保守投資，27年後50歲時便可獲230萬元。雖然帖文看似是在呼籲年輕人少去旅行多儲錢，但樓主卻在文末來個「反高潮」：「50歲先得230萬，首期都俾唔起，年年去5次旅行使X晒佢算！」

貧窮皆因大使

樓主以「時下嘅年青人去咁多旅行，根本就係重覆上一代貧窮嘅基因」為題發帖，指上一代人貧窮的原因是「大使」所致；而時下不少年輕人，亦在重蹈上一代的覆轍，「每年去4至5次旅行，單單去次日本，所有嘢全包連手信，使費已經要1萬蚊。保守計，你每年起碼花咗4皮嘢係旅行方面，已經未計你平時其他不必要既使費，e.g. 買貴衫、tailor made 西裝、人工製皮帶、皮鞋、睇黃子華talk show、買新note book / pc、課金玩手遊、追新iPhone......etc。」

{{hket:inline-image name="money300420193.JPG"}}{{/hket:inline-image}}

樓主：首期都俾唔起！

同時，他又貼出一張圖表，表示：「有冇諗過你省左呢筆洗費會點？保守咁計，當你ugrad（大學畢業）後23歲，每年省4萬旅行使費，拎個本去做保守投資，目標5厘，50歲生日就有230萬出現喺你戶口！」然而，他最後卻來個「反高潮」：「我X你XX咩！50歲先得230萬，首期都俾唔起，年年去5次旅行使X晒佢算！」

{{hket:inline-image name="money300420191.JPG"}}{{/hket:inline-image}}

網民寧願窮遊都唔買樓

對此，不少網民認同樓主之言，「27年後230萬唔知買唔買到10呎」、「我寧願窮遊世界，都唔想儲錢買一間價錢完全唔合理嘅幾百呎垃圾」、「廿幾年後200萬都唔知買到啲乜」、「買乜X樓，開開心心使，見識下世面好過」、「就算唔去旅行都唔會買，而家幾百萬買個格仔」。

有網民勸要儲錢應急

另有網民諷刺地稱：「有咩所謂？只要唔生仔，到老左咪排老人公屋，咬老綜，睇公立囉！」、「如果你唔係特別有錢，呢個年代，識玩嘅一定係結婚都唔擺酒，唔生仔、唔買樓、唔買車，喺香港唔好高消費，將以往傳統啲人覺得人生一定要做咗先覺得圓滿嘅事，你全部同我唔好做，你就可以活出自己嘅人生，甚至你有閒錢一年去幾次旅行甚至移民！」、「香港人平均而家120歲命，50歲都係啱啱開始踏入社會無耐，儲到成2百幾萬仲想點啊！」但亦有網民勸大家不要過分偏激，切勿完全不儲錢，「儲返少少應急咁要嘅」。