大埔廣場粗暴強拆鳥巢 雀BB跌死父母徘徊唔走

拆巢趕雀事件再度發生。大埔廣場昨日發生巢毀鳥亡的悲劇，該商場天花板出風口一個鳥巢昨午被職員粗暴拆走。令人悲嘆的是，有麻雀BB疑因仍未識飛而墮地死亡，其父母則在附近徘徊不走，希望尋回鳥巢及子女。此事引來網民熱議，不少人大呼心痛的同時，亦認為商場的處理手法不當。

{{hket:inline-image name="bird260420191.jpg"}}{{/hket:inline-image}}

有網民目擊鳥巢被強拆一幕後感到心酸，昨日下午在「Tai Po 大埔」發帖表示：「其實人類同大自然係咪真係唔可以共存？有人話做咩出面咁多樹都唔揀呀，但其實個雀巢喺上面有咩問題？我見到雀仔屍體同雀鳥呀爸呀媽係附近飛來飛去想搵返個巢同仔女時，真係覺得人類好自私！其實嗰啲雀仔已經就快識飛，點解唔可以等佢哋長大自己飛走？」

從其上載的數張照片顯示，有職員正站在木梯上，以工具撬開天花板出風口清理鳥巢，地上留下鳥巢碎屑及麻雀BB屍體。而在屍體旁邊，另有一隻疑似是媽媽的麻雀停留地上，凝望BB屍體。

{{hket:inline-image name="bird260420192.jpg"}}{{/hket:inline-image}}

{{hket:inline-image name="bird260420194.jpg"}}{{/hket:inline-image}}

此事引來網民熱議，不少人大呼心痛，「繁殖期得2至3個月，咁都唔可以容忍吓，唔係人類自私係乜嘢」、「如果地球上冇其他動物維持生態，人類都唔會生存到！」、「破壞鳥巢係犯法㗎」、「依家人類獨大呀，乜嘢都係人類啱晒、所有物種都要遷就人類」、「拆雀巢嘅人，你千祈唔好有仔女！」

{{hket:inline-image name="bird260420195.jpg"}}{{/hket:inline-image}}

另有網民認為，商場要清理鳥巢亦是無可厚非，但絕對可以用一個更好的方法處理，「員工做野都係收order，要清理都係衛生問題，無辦法唔做！但處理手法絕對可以做得更好！例如：拆開通風口將雀B拎出再搵箱裝好，然後搵嘉道理等專業人員再處理！方法可以有好多種，只視乎你心態就會有不同處理手法！」

對此，漁護署回覆傳媒查詢時指，根據《野生動物保護條例》，任何人未經許可不得干擾野生雀鳥及牠們的巢或蛋，否則即屬違法，最高可被罰款10萬元及監禁1年。至於大埔廣場則未有回應。

{{hket:inline-image name="bird260420196.jpg"}}{{/hket:inline-image}}

觀鳥會高級保育主任胡明川早前接受《晴報》訪問時指出，同類事件在住宅大廈窗台、冷氣機罅隙較為常見，視乎不同品種，一般約1至3個月後，待幼雀孵化成長便會離開，希望各受影響的人士忍耐至繁殖期後才拆巢處理。如果不希望雀鳥來繁殖，其實是可以及早預防，例如是將已停止使用的抽氣孔封好等，而非待雀鳥正在繁殖時才干擾牠，或把牠趕走。現時天氣和暖，或會有更多雀鳥繁殖，希望大家可以手下留情。

她又指，一般雀鳥需要身體健康才可繁殖，加上如窗戶緊閉，其實已可避免與雀鳥直接接觸，人類透過接觸雀鳥直接感染傳染病的機會並不高，市民無需過慮。