【任食邊爐】食客狂叫肉食剩藏煲內 店員嬲爆：大嘥鬼好折墮

不少人喜歡食放題，覺得比起逐碟吃更為盡興。不過，有火鍋放題店的店員近日在網上投訴，指很多食客都是「大嘥鬼」，甚至有人「眼闊肚窄」狂叫肉，吃不完就將剩下的肉全部放進煲內當食完。對此，該名店員不禁怒斥：「折墮呀你哋！」

６人家庭將剩肉藏煲內

該名店員向Facebook群組「西客之道 Hispitality Secret」投稿，指日日被食客「黑面」都可以忍，但對住一班「大嘥鬼」就無法忍受。由於是任食，不少食客都會瘋狂落單，「有一次，一行6人，一個身型大份嘅後生男人加埋佢屋企人，嚟到就叫左20份肉。經理就出嚟問啦：『係唔係真係食得晒㗎？』個身型大份嘅後生男人就好快答咗：『係呀！』」

其後，該個家庭繼續狂叫肉食，「一路10份咁加……最後20分鐘last order 佢又叫經理加8份，又問啦：『係唔係真係食得晒㗎？』個身型大份嘅後生男人又好快答咗：『係呀！』最後，X你個街，8份肉喺個煲到，嘥X晒！掉晒喺個煲到當食咗呀？吓！吓！吓！」

{{hket:inline-image name="binno260420191.jpg"}}{{/hket:inline-image}}

年輕夫婦剩下9份肉

另有一次，一名年輕孕婦與丈夫前來打任食邊爐，甫入座便叫10份肉，「我去問大肚婆：『係唔係真係食得晒㗎？』佢好快答咗：『係呀！』當然啦，大肚婆大食啲都好合理，你唔食寶寶都要食啦。」未料，最後起碼9份肉「郁都冇郁過」，「放喺枱面當食咗呀？吓！吓！吓！」

1行4人問可否拎走剩肉

該名店員再分享，指又有一次接近打烊時，有一行4人前來進餐，「因為廚房要預早清潔，所以差唔多時候就會問定需唔需要再加單，佢地就加咗5至6份肉，可以慢慢食到收舖。」但到最後，6碟肉「郁都冇郁過」，「仲細細聲話可唔可以拎走，係唔係如果比你哋拎走，罪惡感就冇咁重呀？吓！吓！吓！」

店員：呢到只係冰山一角

店員續指，自己對於以上浪費食物的行為「真心超嬲」，「呢到只係冰山一角，我都未講拎幾斤菜呀丸呀麵呀飯呀，煲到成煲盆菜咁，食幾多拎幾多真心咁難咩，任食㗎嘛！係唔係我哋無罰你哋錢無出聲，你哋就覺得浪費食物就無問題？係唔係無受過教育，點解你哋會覺得浪費食物無問題？」最後，他大罵道：「最後附上罪證一張，加5隻字，折墮呀你哋！」

網民：香港人冇衣食

對此，不少網民表示無奈，「這樣浪費食物太過分了！」、「香港人食自助餐、放題，唔係睇好唔好食，係睇回唔回到本」、「香港人有種拎唔到你著數，就等如自己蝕底咗嘅心態」、「香港人喺冇衣食嚟講都算係世界第一」、「動物奉獻生命比人類，但人類唔識珍惜」、「世界上真係有好多人無得食，飢餓、貧窮，好慘！香港人咪咁折墮，自己折福！」

網民建議設罰款機制

另有網民建議應要設立罰款機制，「食剩要收錢，仲要真係堅收嗰隻就無人剩」、「最好罰錢，香港人一講錢就變得好自律」。但亦有網民指出：「到時真係罰錢你地班X客咪又係搵嘢投訴，都多餘！珍貴（惜）食物係常識嚟㗎啦，唔係要提呀嘛！」