陳棪文師生展 欣賞名家水墨大作

近期嘅藝術活動真係浪接浪，黛安知道香港傳藝學會喺今個星期五（26日）至下周一（29日），喺大會堂高座七樓展覽館舉辦陳棪文師生展。黛安都曾經喺大學時期接觸過水墨畫，知道歷任春風畫會會長、香港藝術館名譽顧問嘅著名畫家陳棪文，由西洋畫到傳統山水畫都有鑽研，而且已從事藝術創作超過60年，作品題材包括名山秀水、江南小景等，今次嘅畫展主要展出佢嘅山水畫，包括近期嘅新作《僧敲月下門》，充分體現嶺南派「寫實」及「意境」的融合。

除咗陳棪文老師，仲有另一位同佢鶼鰈情深嘅畫家郭燕美老師嘅作品。郭老師不幸今年年初因病離世，所以今次畫展展出屬於佢嘅遺作，別具意義。鍾意水墨畫，又希望向大師學習嘅姊妹，記得唔好錯過呀。