【大快人心】打工仔深夜發相扮OT 新上司唔受落：請檢討時間管理能力

加班（OT）無人想，但總有些人認為可向上司顯示出自己夠勤力，而甘願留在辦公室晚晚「加班」！一名自稱「準時收工」的網民分享，他有位同事喜愛「扮OT」，每日深夜例必拍下獨留辦公室的照片放群組「求加油」。好笑的是，新上任的上司並不受落，更用文字回覆道：「如果工作適量，但你需要每日加班，請檢討自己的時間管理能力。」

上集：同事晚晚扮OT 上司不受落完美KO

「準時收工」近日向Facebook專頁「奴工處」投稿，指有同事經常「擦鞋」、「扮OT」，「日日深夜send張office得返自己一個嘅相去有上司嘅群組，話加班中要加油等等」。他指出，舊上司對此十分受落，但最近人事調動，新上司對於該同事的招數並不受落，在群組中回覆道：

如果公司安排過量工作而人手不足，請向我反映待我處理。如果工作適量但你需要每日加班，請檢討自己的時間管理能力。還有，沒有人想夜深仍收到有關工作的訊息，這是最後一次。

此事引來網民熱議，不少人留言大讚新上司，「我鍾意呢個上司，正，堅正」、「呢個上司講得好好吖！咁先係做野㗎嘛」、「呢個上司可遇不可求吖」、「呢啲老細好正呀！大把人扮工」、「字字到肉，好波！」

下集：同事不滿事蹟被放上網 上司再次神回應

以為此事已完？原來仲有下集！「準時收工」日前再度投稿，指「表錯情同事死唔斷氣」，「佢今朝喺有上司個群組cap返個投稿出嚟，話有同事泄露公司員工內部對話，問上司會點樣公平處理處分，佢今次醒，喺辦公時間內send出嚟。」他指上司看到後再次神回覆，「重點最後仲要加咗個微笑emoji，真係笑死我」：

希望你辦公時間內專心工作，不要瀏覽Facebook，這則投稿沒有列明公司名，不會導致公司任何損失，故不需要處理。我不會限制同事於網上匿名投稿，畢竟香港是一個自由民主的社會。

對此，大批網民再次大讚該名上司，「真心正！呢個上司跟得過呀大佬！」、「上司續集仲型」。另有網民諷刺道：「返工時間唔上Facebook，咁又點OT到夜一夜？」、「正常計呢啲咁嘅人喺公司應該係犯眾憎嗰隻！」、「若要人不知，唔好咁低B！攞OT扮勤力的同事你好！」、「辭職啦X頭，係啊你啊唔使扮OT啦你無運行㗎啦。」