中電鼓勵節能 賺積分換里數

節省能源，除保護地球外，仲可賺積分換獎賞！黛安知道，中華電力自1月起推出「全心傳電計劃」，3個月已有約10萬住戶參與，最近仲新推出咗「幫襯社企賺積分」同「慳電儲分換里數」等活動，慳到電之餘，仲有得換飛行里數、主題公園門券等！

其中，客戶只需去「銀杏館」、「黑暗中對話」等社企夥伴消費滿50元，就可以獲得500中電「智能積賞」積分換取獎賞，每年最多可獲6,000分。最新優惠仲有「慳電儲分換里數」，由即日起至24號，每個星期三可以用500積分換500「亞洲萬里通」里數啊，先到先得，換完即止！