7-Eleven換精美旅行小物齊行善 尋迪士尼童年回憶

小木偶、愛麗絲等經典故事人物深入民心，更加係唔少人由細到大嘅童年回憶！黛安知道，7-Eleven即將喺今個星期三（17日），驚喜推出一系列嘅迪士尼「童夢•隨行」旅行實用嘅隨行小物。噚日仲召集咗100位小飛象、皮諾丘、愛麗絲等經典故事人物快閃銅鑼灣鬧市，兼齊齊影低咗張「世紀合照」，黛安睇到都覺得好開心！

聽公關姊妹講，今次印花推廣活動換購方法同以往有啲唔一樣，只要儲齊18個印花，再加1蚊捐款畀慈善團體，就可隨機換購「經典迪士尼人物透明隨行袋」一個，陪你出發遊世界！換購心愛小物之餘，仲可做埋善事，相當有意義。

而噚日7-Eleven就率先搞咗個「童夢隨行」快閃活動，請來100位迪士尼經典故事人物快閃銅鑼灣鬧市，參加者身上全部都帶有《小飛象》、《木偶奇遇記》、《愛麗絲夢遊仙境》同《小鹿斑比》嘅物品，大玩Cosplay，大家都扮得似模似樣，現場氣氛勁高漲！噚日中午12點至下午1點嘅活動期間，7-Eleven仲將怡和街分店全數所得營業額捐去畀「生命小戰士會」，非常有心。所以同黛安一樣鍾意迪士尼人物，又想做善事嘅朋友，記住唔好錯過今次活動喇！