【派4000】申請未確認熱線打唔通 市民灰爆：2046年應該會收到錢

政府「關愛共享計劃」派發4,000元，今日開始陸續向合資格人士派錢。然而，雖然有市民表示已經收到錢，但首批申請並不等於首批拎錢，有人在今年2月1日首日遞表但仍未收到錢。同時，不少市民表示仍未收到申請確認通知，又指相關熱線無法打通、電郵詢問亦不獲回覆，諷刺道：「去到2046年應該會收到嗰4,000蚊」。

有網民今日在Facebook群組「巴打絲打 Facebook Club」發帖，表示：「大家收到4,000蚊未？我連Msg都收唔到。」對此，有部分網民回覆，指自己或親朋已收到錢，「好多人已收錢，3月中收sms嘅都已有錢」、「我有個朋友今日收到$4,000，佢頭一批申請果啲」。有收到錢的網民更貼出照片，指今早10時許查看網上銀行帳戶時，已看到一筆由「CARING AND SHARING SCHEME」轉帳的4,000元款項。

{{hket:inline-image name="4000090420192.jpg"}}{{/hket:inline-image}}

不過，亦有網民指出，雖然與家人一同寄表申請，但結果卻大不相同，「同屋企人一齊遞表，佢哋有而我冇sms」。其中更有人稱，自己與家人在2月初一同寄表申請，而家人亦已收到錢，「我同我屋企人同一日交表格同一日收到sms，但係我仲未有錢」。同時，亦不少網民表示與樓主一樣仍未收到申請確認通知，「影都唔見呀」、「3月頭寄出，而家仲未收到通知」、「2月尾寄，家陣都未收到，過埋4月仲未收再補寄多份」、「其實都唔知點先係第一批，有啲2月交表到而家都未收到訊息」。

{{hket:inline-image name="4000090420199.jpg"}}{{/hket:inline-image}}

部分網民擔心表格寄失或石沉大海，遂致電相關熱線及寄電郵查詢但無果，「個熱線長期搵唔到人，衰X過有線hotine」、「仲難過當年cut有線十萬倍，叫你留言留言留言，留言咁耐又未接過回覆電話，電郵又send過，都係石沉大海」。此外，亦有不少網民批評政府安排混亂、辦事效率慢，「條命短啲都等唔到呀，派果$4,000派幾年都未到手，可能2046年先收到」、「算吧，香港政府嘅速度差不多去到2046年應該會收到嗰$4,000」。

{{hket:inline-image name="4000090420191.jpg"}}{{/hket:inline-image}}

在職家庭津貼辦事處（職津處）日前表示，會盡快發出餘下的申請確認通知，目標是於4月底前就2月及3月內收到的申請發出申請確認通知，並不遲於5月第3個星期就計畫截止日期（即4月30日）前，向收到的所有申請發出確認通知。該處會於4月9日開始陸續批准申請及發放款額，目標是於年底前處理所有申請；有關款額會透過銀行自動轉帳直接存入成功申請人的銀行帳戶，或以現金支票形式郵遞給成功申請人。

職津處又指，如申請人在5月底仍未收到申請確認通知，可於6月30日或之前致電熱線3897 1088，或經電郵（careandshare@wfsfaa.gov.hk）向職津處查詢。如職津處確定沒有收到個別人士提交的申請，會讓他們補交申請；在此之前，申請人無須重複遞交申請。