執手機送警署被機主當賊辦 正直男心淡：「想熄機放咗佢算數」

路不拾遺卻被當賊辦相信並不好受，一位網民近日在機舖拾獲一部萬元手機，打算做好心送往警署，途中卻被機主發訊息「恐嚇」，要求撿拾者立即歸還，否則「10分鐘後報警」。做好心卻被誤會的事主感心淡，狠批對方態度無禮，並指：「唔好以為畀返你係天經地義既事。」

好人當賊辦 機主「恐嚇」報警

一位網民於連登討論區發帖指，日前於銅鑼灣一商場的遊戲機中心撿獲一部價值近萬元的iPhone X系列手機，惟他未有絲毫貪念，打算交到附近的灣仔警署。

惟路上手機已響個不停，由於遊戲機中心品流複雜，為免被誤會而惹上麻煩，加上希望令失主得到教訓，多加留意個人財物，故他一直未有接聽，「最最最最重要既係，我真係好怕聽陌生人電話，唔想面對」。直至抵達警署附近時，事主再次收到失主的「恐嚇」訊息：

「我知你拎左（咗）我部電話，請聯絡我，否則10分鐘後我報警。」

{{hket:inline-image name="tNU2W6P.png"}}{{/hket:inline-image}}

事主心淡 「想熄機放咗佢」

本著好心路不拾遺，卻突然被當賊辦，令事主非常心淡，形容：「要做賊還是做好人係拾遺者嘅事」，又指物主本身亦有責任看管好財物，如有遺失應該前往警署報失，以短訊威脅拾遺者於事無補，反而令他有強烈衝動「熄機放咗佢」、「等條友驚吓」。

事主稱將手機交予警員一刻，電話依然響個不停，事主不忘向警員稱：「你再唔聽佢電話，佢報警㗎喇。」豈料當警員接聽時，惟話說到一半已被機主打斷：

警員：（接電話）喂，有個好心人....（比失主斬斷左)

失主：你再唔畀返部手機我，我就報警（純粹揣測）

警員：你喺邊呀？

失主：軍器廠街

好心事主獲讚 網民稱失主態度情有可原

最終警員表明身分，著失主到警署領回手機，事情方告一段落。有網民留言指失主態度的確令人不敢恭維，坦言換著是自己面對如此情況，可能已棄手機不顧甚至轉售圖利，稱讚事主立心良好。

另一邊廂，亦有人代入失主心理看待事件，指失主透過定位功能已知手機被取走，多次致電不獲接聽之下自然都會認為撿拾者無意歸還，情急之下以報警作威脅屬人之常情。