麥當勞黑咖喱吉列豬扒漢堡登場 歎盡和風美食第二浪

日本可以話係唔少香港人嘅「鄉下」，但打工仔假期少，點可以話去就去啊？既然去唔到，食下啲日本食材都夠「思鄉」！黛安知道，麥當勞嚟緊將推出Taste of Japan系列第二浪，將風味獨特嘅金澤黑咖喱帶嚟香港，全新「金澤風味黑咖喱吉列豬扒漢堡」即日起登場，仲有多款全新食品齊齊推出，記住唔好錯過！

今次麥當勞嘅Taste of Japan系列第二浪隆重登場，再為大家帶來新意思，好似全新嘅「金澤風味黑咖喱吉列豬扒漢堡」咁，以鬆軟穀物麵包配上香脆吉列豬扒，伴以香濃秘製金澤風味黑咖喱醬，當中辛香嘅味道，再夾埋白芝士、檸檬白汁醬同爽脆椰菜絲等，配搭特別得嚟，味道亦夠晒perfect！

仲有全新嘅「宮崎風味南蠻炸雞漢堡」，喺鬆軟嘅芝麻麵包中加入沾滿酸甜惹味南蠻醬嘅炸雞，配上蛋沙律、洋蔥條等食材，同樣有新意，掛住日本嘅時候嚟食下，真係身心靈都滿足到！

除咗漢堡包外，全新「出前一丁麻油味調味粉」亦會同步推出，金黃薯條同出前一丁招牌麻油口味一拍即合，再加上全新「富士蘋果特飲」，以香甜富士蘋果梳打同粒粒雜果調配而成，真係好難抗拒！黛安知道，經典「菠蘿批」亦載譽回歸，新意十足。

公關姊妹仲分享，為咗令一眾粉絲可以「麥麥歎，密密慳」，盡情細味「Taste of Japan」每種滋味，即日起麥當勞App亦會推出多個「Taste of Japan」系列超值套餐，最平28蚊就可以食到成個餐，黛安都要同班姊妹開心Share！