今日小編嘅同事喺微博睇到一張相，相中有一個中年男藝人，你會認得佢拍過好多電影，噏到口唇邊，但係都講唔出佢個名：「……佢喺《逃學威龍》扮黑社會㗎！」身為星迷嘅小編猶豫咗一陣：「好似唔係喎……」維基之下，發現原來佢係喺戲入面係做警察。
{{hket:inline-image name="3.jpg"}}{{/hket:inline-image}}
無論咩角度睇佢，都係奸。
{{hket:inline-image name="8.jpg"}}{{/hket:inline-image}}
毒打周星馳。
{{hket:inline-image name="987.jpg"}}{{/hket:inline-image}}
但佢其實係演張敏嘅警察男友。
呢位藝人係黃子揚，佢額頭彷彿鑿住一個「奸」字，更獲封為娛樂圏「十大惡人」之一，經常都係演一啲「蠱惑仔」嘅角色。做警冇警味，就算演警察好多時都係做黑警，奸人形象可以話係入晒骨，同好人兩個字完全沾不上邊。現實生活中佢係忠係奸小編唔知道，不過一定喺好多女士心中係一個「情感壞人」。
{{hket:inline-image name="45678.jpg"}}{{/hket:inline-image}}
《古惑仔之龍爭虎鬥》唔使投票，佢都係演飛仔。
{{hket:inline-image name="054102015B3EDDC700000179A2090587.jpg"}}{{/hket:inline-image}}
《賭俠1999》飾演差人孖葉哥，係一個成日都恰化骨龍（張家輝飾）嘅黑警
89年惠英紅同細佢9年嘅黃子揚拍拖，黃子揚當時多次喺傳媒前表示會娶惠英紅，但後來有小三搵惠英紅「講數」，揭發黃子揚一腳踏四船，據知當時其中一位女友就係佢第二任妻子Winnie。惠英紅更加話呢一段感情係佢嘅人生污點，用「劫財劫色」嚟形容佢。
{{hket:inline-image name="170916cw11.jpg"}}{{/hket:inline-image}}
惠英紅形容黃子揚係佢嘅人生污點。
後來黃子揚同Winnie拖拉多年，98年黃子揚突然同外籍女友Tina結婚，「失戀」嘅Winnie轉投黃子揚好兄弟林俊賢懷抱，兩兄弟仲因為咁反目。後來2000年黃子揚同Tina離婚，2002年Winnie同黃子揚翻撻，黃子揚都養咗林俊賢同Winnie嘅囝囝15年。最終黃子揚同Winnie2011年結婚，2016年離婚，前年黃子揚娶細佢20年嘅經理人，仲經常喺網上曬恩愛。
{{hket:inline-image name="bkn-20171015001447783-1015_00862_001_03b.jpg"}}{{/hket:inline-image}}
2017年娶嫩妻。
{{hket:inline-image name="bee54359gy1fovfi138eyj21z4140hdv.jpg"}}{{/hket:inline-image}}
佬樣出晒嚟，同老婆Sweet到爆。
黃子揚喺2009年受洗信教，同太太結婚之後對過往嘅事都唔願再多提，同太太都對呢段婚姻充滿信心。近年嘅佢大多數時間都係喺經理人太太陪同下喺內地出騷、同太太遊吓埠、拍攝福音電影……鳥倦知還，今日嘅佢同過去多姿多采嘅生活已經劃清界線。
{{hket:inline-image name="8f82ab1bgy1g16xwgxt05j20sg0r2juu.jpg"}}{{/hket:inline-image}}
最新圖片，黃子揚（右二）為福音電影進行拍攝。
{{hket:inline-image name="5d4f7ea6ly1fsb59ygfxsj213u1k04px.jpg"}}{{/hket:inline-image}}
戾氣都少咗，成個陶喆咁。
{{hket:inline-image name="bee54359gy1fs9q55q5obj20ku0rsn4w.jpg"}}{{/hket:inline-image}}
依家嘅佢最壞可能都係連續食兩支煙。
{{hket:inline-image name="bee54359ly1fzla7ogo6lj22c0340kjn.jpg"}}{{/hket:inline-image}}
喺大陸登台搵真銀。
{{hket:inline-image name="5d4f7ea6gy1fosp3imxtij21z41hf4qs.jpg"}}{{/hket:inline-image}}
陪老婆去旅行，基本啦
{{hket:inline-image name="bkn-20180228170559089-0228_00862_001_08b.jpg"}}{{/hket:inline-image}}
放閃無間斷。
