《東張西望》拍攝隊親身採訪美東邨老婦滋擾鄰居，婆婆不時揚言要火燒鄰居，令對面單位的單親媽媽膽戰心驚，苦不堪言。事件引起很多市民的關注，昨晚那集女主持人李旻芳和攝製團隊於婆婆家門前守候幾天，終於守到婆婆岀現，到底她是否有什麼苦衷和冤屈，才不分日夜地高聲咒罵鄰居？
(TVB電視截圖)
婆婆見到女主持人李旻芳時非常激動，似乎滿肚子委屈終於找到岀口處：「我講岀嚟你會話我精神病，我唔講你又唔信。」她更主動邀請李旻芳進屋聊天。只見婆婆家中雜物非常之多，大門鐵閘又額外加上一把鎖，李旻芳問婆婆為何要這樣做，婆婆不斷稱鄰居會害她：「唔可以比佢地入嚟，個啲男人呀，啲男人會入嚟姦殺我」、「佢哋成日半夜踢我屋企嘅大門」，而婆婆屋企所有燈泡也被她拆下來，她認為家中如果太亮，就會有人偷窺她沖涼，浴室的洗臉盆亦因為婆婆日夜不停敲打而下陷，「樓上樓下啲人會嚟會放電入我屋燒我，我敲臉盆佢哋就唔會燒我。」她又展示浴室地毯被燒熔的情況。
(TVB電視截圖)
(TVB電視截圖)
住在婆婆對面的兩母女因為婆婆而擔驚受怕，曾向申訴專員求助，回覆卻是：「婆婆嘅問題要接納，佢係個精神病患者，社會就係要包容不同的人。」而該區的區議員稱婆婆亦是一個悲劇：「婆婆呢幾十年受過好多傷害，好想搵人幫忙，但過去求醫試過被人綁手腳，搵社工但對方又唔相信佢，變咗佢成日覺得有人害佢。」單親媽媽馮女士一直希望婆婆可以搬走，還她們兩母女寧靜的家，可惜房署一直未處理到，這件事到《東張西望》節目結束還未解決。
（該區議員一直想協助婆婆解決問題, TVB電視截圖）
（住在婆婆對面的單親媽媽馮女士一直飽受其影響, TVB電視截圖）
《東張西望》採訪隊不時派岀李旻芳探究社會問題，如早前直撃公屋倒屎狂徒真相、新移民大媽大跳廣場舞製造嘈音，採訪過程獲市民讚賞，稱女主持人表現大方淡定，李旻芳更被封為「最勇女主持人」，加上李旻芳樣靚，身材又好，成功吸納眾多粉絲，網民更封她做《東張西望》女神。李旻芳接受晴報訪問時，好感謝觀眾有留意到她的表現：「因為我嘅拍攝團隊比左好大信心我，令我好安心做我嘅工作，所以我喺鏡頭嘅表現先咁淡定。其實我哋拍之前都有考慮過危險性，問過同婆婆有接觸嘅人如區議員同輔導員，婆婆會唔會有攻擊性，我哋先去做訪問，所以成個過程係好安全。」李旻芳又説：「每次岀去採訪，見到受訪者嘅處境，就會覺得好難受，我只係用我小小嘅力量報道新聞，希望多啲人關注，社會問題政府真係要正視，主動啲去幫呢班弱勢族群。」
（李旻芳IG圖片）
李旻芳2015年開始做《東張西望》外景主持，出鏡時周不時有比較性感的衣著，被觀眾認為只懂展現身材，沒有實力。特別是2016年到熊本採訪地震災民，因帶不夠食物弄到要吃災民糧食，引起觀眾討論。不過後來李旻芳慢慢愈做愈好，主持風格愈發淡定又專業，開始得到得市民欣賞。
（李旻芳IG圖片）
李旻芳現時於《東張西望》節目除了外岀採訪，亦會坐主播台報道新聞，不過她更偏愛岀去走動多點：「我唔想淨係做主播，想多啲岀去接觸社會，探討下香港有咩社會問題，我想做第一手嘅親身接觸，同埋我鍾意『貼地』啲，如果做主播淨係可以坐喺度報道返件事情。」李旻芳作為主持人目標非常清晰，又勇敢面對和報道社會現象，難怪深得市民喜愛，亦希望她之後會報道更多社會現況給觀眾知道！