90項免費資源及活動 及早規劃學理財

黛安細細個就跟爸爸學理財，規劃未來。而今個月正正係「香港理財月2019」，希望透過超過90項免費活動同資源，喚醒大家對個人財務嘅關注！

由投資者及理財教育委員會（投委會）舉辦嘅「香港理財月」，今年已經踏入第三屆啦，主題係「計劃你財‧成就未來‧『敢』至係英雄」，呼籲大家唔好只講唔做，要坐言起行實行理財先得。

香港地咁多誘惑，要實踐確實好難。投委會上個月就發布咗一項調查，顯示有59%香港成年人，喺過去1年喺理財方面都感到後悔，好似過度消費同無跟從預算等。投委會主席黃嘉純就話，調查入面見到好多香港成年人做財務策劃時，都傾向專注短期規劃，對實現長遠理財目標無咩信心，亦有好多人未有及早做規劃。

計劃到今個月底就結束，可以幫學生、在職人士、投資者、退休人士，甚至弱勢社群，更加明智規劃同管理個人財政。想知道更多，可瀏覽「香港理財月」網址（www.moneymonth.hk），同登記參加活動啦！