最新一集《愛回家之開心速遞》講到Helen（姚瑩瑩飾）終於揭發John（何啟南飾）和Jenny（陳偉琪飾）的姦情，傷心欲絕，編劇還特別加插一場Jenny的夢境，一眾演員以古裝扮相示人，「潘金蓮」Jenny被逼要浸豬籠，場面非常搞笑，不過沒想過網民意外睇中「武松」打扮的Terry（李偉健），他在鏡頭前面展現強勁臂彎，不停做出大隻佬的招牌動作，更意外成為劇集的焦點。
平日西裝扮相為主，李偉健突然武松上身，強勁臂彎成為焦點。(圖片：電視截圖)
嘩，手臂老鼠仔好勁呀，點算「甩皮甩骨」呀？(圖片：電視截圖)
龍家上下打扮成古裝演趣劇。(圖片：電視截圖)
Jenny同John的姦情拖拉多年。(圖片：電視截圖)
最終被Helen發現,Helen哭成淚人，好慘豬。(圖片：電視截圖)
本報訪問李偉健，他表示：「播出這一集的身形已經是我近幾年最虛弱，大家睇到覺得大隻，可能是因為我比較少近照是露身形，加上我選『香港先生』時，大家都未認識我，所以覺得驚喜，但其實我好多年無健身，我依家只會形容自己身形係甩皮甩骨！」不過睇返李偉健2009年參選「香港先生」當年，身材真係好到不得了，事關他選之前曾經做過兩年健身教練，十年人事幾番新，難怪偉健都慨嘆大不如前，問到是否去年結婚後「幸福肥」？他說：「不關事，只是工作太忙，沒有時間去健身！」
之前李偉健上載「十年Challenge」對比，嘩，當年6舊腹肌好威水。(圖片：李偉健IG)
李偉健稱10年前才是最好的身形。(圖片：受訪者提供)
其實在《愛回家之開心速遞》入面，Terry的戲份都愈來愈重，因為他戇居居傻氣性格，在「龍家」大集團顯得非常可愛，特別是他的愚昧令到大小姐（林淑敏飾）、舅父KC（歐瑞偉飾）、Ma姐 (何綺雲飾)和大龍生（羅樂林飾）等都激到一肚氣，觀眾睇到捧腹大笑。平日Terry劇中的造型都以西裝為主，惜肉如金甚少露肉，所以今次的手臂難怪令人印象深刻。而林淑敏在IG分享了該場拍攝的NG片，Terry用頭撼磚頭，個個網友都留言話笑到肚痛。
Terry的角色時常笨頭笨腦，搞笑功力十足。(圖片：李偉健IG)
原來西裝之下的李偉健只是禾稈冚珍珠，身形仍然是非常健碩。(圖片：李偉健IG）
林淑敏在IG上載NG片，Terry爆磚真係好好笑。(影片：林淑敏IG)