90後港男奉子成婚鬧婚變 發文怨妻反遭網民圍插

情侶夫妻相處貴乎尊重，要是無法互諒互讓，單靠物質支撐的關係往往難長久。有自稱愛妻的連登巴打，一年前奉子成婚，最近與妻子關係出現裂痕，指責對方常因生活瑣碎事鬧脾氣，惟其字裡行間卻歪理連連，反被網民群起圍攻，形容：「除咗經濟冇問題之外其他全部都係問題！」

兒子喪喊 事主顧打機

一位網民近日在「連登討論區」發文，指自己與妻子均20出頭，拍拖3年至約一年前奉子成婚，現時夫婦二人經濟獨立，各有物業，自己的工作薪金優厚，妻子原本有做小生意，但產子後開始當全職主婦。

事主聲稱自己真心愛妻，婚後有妥善安排家事分工，由他負責洗衫煮飯等日常雜務，妻子主力照顧兒子。他指責妻子近年經常因小事情緒失控，憶述妻子洗澡時，兒子無人理會放聲嚎哭，正忙於打機的事主「以為佢（妻子）就沖完」故未理會，並反斥妻子洗澡太久。

不做家務 拒請家傭

妻子指責還包括事主不做家務、不讓她看電話紀錄等，但事主歪理連連，以「想抖下打陣機第二日先做」、「不嬲唔鍾意人哋睇我私隱」為由推搪過去。

妻子又曾經要求聘請家傭協助處理家務，但事主卻因「唔想有個外人喺屋企」為由拒絕，以致大部分家務依然由妻子一力承擔。

不懂情趣拒送禮物 「叫佢自己買我畀翻錢」

妻子亦投訴從未收過他的生日或節日禮物，但他自言有顧及過妻子感受，「我叫佢睇中啲咩就買，我比（畀）翻錢」；又指妻子早知他不喜歡慶祝，指「買咗啲唔岩（啱）心水嘅野咪仲無謂」。

認為「唔光采」 兒子長年「唔見得光」

最觸動到網民情緒的莫過於其對兒子態度。由於妻子是未婚懷孕，樓主認為「成件事一啲都唔馨香」，故三番四次阻止妻子攜子出席朋友聚會，稱「係得最close嗰幾個friend（朋友）知」，兒子的存在彷如「不能說的秘密」。

意外懷孕 事主曾建議墮胎

樓主亦指妻子懷孕是個意外，當初亦有想過墮胎，指「其實我係唔想要嘅...試過逼佢揀要我定個bb，佢話唔想殺咗個生命所以要bb，寧願做單親都唔要落」，更稱「我都硬食咗同佢結婚啦，仲想點？」

遭巴打喪鬧渣男「咪害人」

帖文一出樓主即被一眾巴打絲打鬧爆，直指從字裡行間完全感受不到他愛妻兒，甚至建議盡早離婚以免拖累女方。

不少網民認為經濟能力非問題所在，「當人工人咁洗，亦都無尊重過自己係家庭一份子」、「成日掛住打機唔理人，你同部機結婚啦」、「有工作能力就以為大曬」。

亦有人認替其兒子擔心稱「生咗個仔唔見得光，有你呢啲老豆都幾慘」，又指樓主中遊戲機毒甚深又不理家事，日後必定無法以身作則教導幼兒，指責樓主「唔識教就咪生」。

網民力數事主6宗罪：

—不公布婚訊

—拒帶妻兒見人

—不湊仔，只顧打機

—不做家務，不煮飯

—不慶祝節日，禮物自己買

—不准對方查看手機，雙重標準