【附5大叮飯要點】打工仔飯盒一叮即爆 專家：放雪櫃後即叮容易爆

不少打工仔為健康及慳錢，都會帶飯盒返工，但近日一位打工仔分享，指自己將在雪櫃放過夜的玻璃飯盒，放入微波爐加熱時，突然整個飯盒「大爆炸」，玻璃碎片險成利刃飛出，幸好微波爐門緊閉。有專家接受《晴報》訪問提醒，玻璃飯盒放入雪櫃冷凍後，即時加熱便會有爆裂風險。

{{hket:inline-image name="11.jpeg"}}{{/hket:inline-image}}

該打工仔接受《晴報》訪問時指，自己每日都會帶飯盒回公司作午餐，惟本周三（6日）因事外出用餐，遂將盛載飯餸的玻璃飯盒放入雪櫃。翌日中午他取出後，直接放入微波爐加熱4分鐘，未料即將完成加熱時突然「爆炸」，整個玻璃飯盒爆裂，碎片飛濺，幸好微波爐門緊閉，未有傷及他人。

事主透露，過往亦曾多次將該飯盒放入雪櫃過夜再叮，每次都有將蓋打開，但未有發生類似情況，形容：「嚇咗一跳，一向都係咁做！」

{{hket:inline-image name="12.jpeg"}}{{/hket:inline-image}}

表裡溫差變化太大 叮3分鐘都有機會爆

理大土木及環境工程學系、結構工程講座教授陳紹禮接受《晴報》訪問時，飯盒一般採用強化玻璃，如經雪櫃冷凍再以微波爐加熱，短時間內溫差變化太大，內層與外層玻璃膨脹速度不一，便產生爆裂危險。

陳紹禮又指，飯盒玻璃愈厚，因溫差問題爆裂的風險愈高，「如果放完冰格即刻叮，即使只係叮3、4分鐘，都有機會爆。」陳紹禮提醒大家應先將飯盒解凍，時間長短視乎不同牌子而定，可細閱生產商的指引。

《晴報》綜合多間玻璃飯盒生產商使用說明，歸納以下5項要點：

湯水勿太滿

盛裝湯水等液體或流質食物時，勿超過8成滿，以免冷凍時液體凝固迫爆。

先解凍再叮

由雪櫃取出後，應自然解凍（一般為10分鐘）後再加熱。

打開上蓋

於微波爐或蒸爐加熱時，應取下膠製上蓋。

叮太少食物有風險

加熱食物時勿以鋁箔紙包裹，勿微波加熱空的或僅裝少量食物的保鮮盒。

柔軟抹布清洗

應用柔軟抹布清洗，以免刮傷表層，如有刮傷及裂痕則勿再使用。

相關文章：

打工仔飯盒叮太耐小心爆炸 本港代理教路：每次最多叮3分鐘 

{{hket:inline-image name="190312-04.jpeg"}}{{/hket:inline-image}}