【有片】勿做自私精！運輸署邀葉德嫻拍片 提醒搭巴士港鐵應顧及他人

近年來巴士、港鐵等公共交通工具不時發生乘客衝突風波，其中多是由一些沒有公德心的自私行為而引發。有見及此，運輸署近日邀請藝人葉德嫻（Deanie姐）拍攝短片，宣傳「搭車顧自己，都要顧人哋」的訊息。在片中，每當Deanie姐搭巴士、港鐵時發現乘客作出自私、令人側目的行為時，都會提醒及教育對方勿做自私乘客、應顧及他人。Deanie姐句句「到肉」，十分霸氣及有型！

{{hket:inline-image name="transport260220198.jpg"}}{{/hket:inline-image}}

運輸署昨日在YouTube上載短片，表示：「Deanie姐葉德嫻最近一直留意身邊嘅乘客...發現佢哋搭車嘅時候，都會不自覺同大家分享自己鍾意嘅劇集、音樂、仲會練體操？一齊跟住Deanie姐，學下做個顧自己，亦會顧及他人嘅好乘客啦！」片中，Deanie姐搭巴士及港鐵時均遇到誇張「奇遇」，包括有人為衝入車廂而撞到孕婦、有人帶3層英式下午茶點入車廂食、有人在車廂內大動作練功、有人不用耳筒聽歌睇片、有人在巴士上將腳放在對面座位、有人掛住睇手機而站不穩及忘記上落車等。雖然誇張，但亦正正反映了市民日常乘搭公共交通工具時的所見所聞。

{{hket:inline-image name="transport260220191.jpg"}}{{/hket:inline-image}}

{{hket:inline-image name="transport260220192.jpg"}}{{/hket:inline-image}}

{{hket:inline-image name="transport2602201910.jpg"}}{{/hket:inline-image}}

面對以上種種自私行為，Deanie姐都會見義勇為當面糾正，提醒及教育涉事乘客坐車時除了顧及自己外，亦應顧及他人，以免對他人造成影響，「揸住扶手吖嘛，唔好淨係排住睇電話先得㗎！」、「你都好誇張啫，你不如打邊爐吖！」、「唔該拎開個袋！」、「咦，你對鞋消咗毒㗎？」、「其實係你自己睇電話唔記得落車咋喎！」、「喂，你估呢到你屋企咩，用耳筒聽啦！」

{{hket:inline-image name="transport260220195.jpg"}}{{/hket:inline-image}}

{{hket:inline-image name="transport260220196.jpg"}}{{/hket:inline-image}}

{{hket:inline-image name="transport260220194.jpg"}}{{/hket:inline-image}}

對此，不少網民大讚短片拍得好，「寫實！」、「呢個廣告好掂，好到位」、「希望呢個廣告可以剪成多個版本喺電視播，多啲播」、「應該在各大運輸交通樞紐螢幕不斷咁播放」、「葉德嫻演繹得非常好」。另有網民表示：「希望大家養成好習慣，做好榜樣俾下一代睇！」

{{hket:inline-image name="transport260220197.jpg"}}{{/hket:inline-image}}

片中力數12大惡行：

1. 有人為衝入港鐵車廂而撞到孕婦
2. 有人在港鐵讓座予Deanie姐，但另一女子衝上前坐低，並當眾化妝
3. 乘客未有行入港鐵車廂中間
4. 掛住睇電話忘記上巴士但反鬧車長
5. 在巴士上掛住睇電話沒緊握扶手，結果站不穩跌倒
6. 在港鐵車廂內大動作練功
7. 帶3層英式下午茶點入港鐵車廂進食
8. 在巴士上將袋放在旁邊座位不拿開
9. 在巴士上將腳放在對面座位
10. 掛住睇電話忘記落巴士但反鬧車長
11. 在港鐵車廂內倚著扶手睡覺
12. 不用耳筒聽歌睇片並跳舞

想知有幾「到肉」？即刻去片！

{{hket:youtube id="kNrIpj8bYyQ"}}{{/hket:youtube}}

延伸閱讀：

IG紀錄港人港鐵睡相 網民喊驚最怕見到自己