港男車匙意外跌落坑渠 熱心渠署師傅全力挖泥執匙

政府部門雖常被投訴效率低，但近日渠署被盛讚有效率、幫到手，一位港男在九龍灣不慎將車匙跌落路邊坑渠，幸獲渠署熱心協助，即時派多位師傅到場撬蓋挖泥，在師傅努力下終奇蹟尋回車匙。事主衷心感謝署方及師傅協助，更稱：「我諗我呢世都唔會忘記今日嘅事！」

一位姓張司機昨日在Facebook群組「香港交通突發報料區」分享指，當日他因人有三急在九龍灣尋找廁所，惟附近3個停車場均無泊位，只好泊於宏冠道路邊速去速回，「誰不知一時不小心，將條車匙跌鬼咗落坑渠入面，當時真係唔知點算。」

張男當時非常傍徨，致電「1823」向渠務署求助，並向附近車房求救，雖然成功借來鐵線，「睇下勾唔勾到上嚟，結果都係勾唔到，因為渠入面有汚水睇唔到條匙喺邊。」

挖泥30羹 「超有耐性」

打定輸數的張男只好回家取後備匙，豈料折返時獲渠務署通知，已派4、5名師傅到場，他們即時用大鐵羹挖起淤泥，辛勞地挖了最少20至30羹淤泥，「又好仔細咁撥開啲泥睇下有冇，超有耐性，始終都係有啲臭味，幾位師傅一啲都冇嫌棄。」

期間師傅更擔心工具誤傷事主，細心著他到旁邊等候，最終皇天不負有心人，在師傅的努力下終成功尋回車匙，「（師傅）幫我攞清水洗乾淨！」事主指初時以為車匙長時間浸水已損壞，卻出奇地可正常開車，「如果唔係要配過條新嘅可能要使幾千蚊，真係算十分之好彩！」

事主指熱心協助的是渠務署外判師傅，形容：「我諗我呢世都唔會忘記今日嘅事！」他感謝多位師傅、附近車房及1823職員的協助。

此帖一出即獲網民激讚，更建議事主去信署方予以表揚，「寫封信去渠務處讚下佢哋」、「香港其實有好多好人」、「封返封利是畀人有冇？」有網民亦分享一張照片，可見有師傅撬開渠蓋後「瞓身」入渠，身旁由其他人拉著雙腳協助，落力工作實令人讚許。