Panasonic飛達慈善復活跑 飽覽上水河上鄉美景

如果錯過咗今年啱啱結束嘅渣馬，仲有其他機會跑㗎，黛安知道，「Panasonic飛達慈善復活跑2019」會喺下個月10號舉行，有得跑又有得做善事，快啲報名啦！

聽公關姊妹講，活動係由飛達田徑會、信興教育及慈善基金主辦，由上水鄉事委員會協辦，會喺上水河上鄉舉行，作為慈善賽事，「信興教育及慈善基金」會為每位參賽者另行捐出60蚊畀「高錕慈善基金」。

姊妹話，跑道環繞上水兩條主要河道，雙魚河同梧桐河旁嘅道路作賽，比賽路段全為平路，而且深入上水河上鄉，好適合初學者，仲可邊跑邊欣賞優美景色！比賽設有15公里個人組、10公里個人組、4公里個人（青年組）同1公里親子組，啱曬唔同跑手！

當日除咗各項賽事外，亦設有嘉年華區，包括攤位遊戲同體能挑戰，仲有山水豆腐花畀跑手品嚐，認真吸引，想報名就去https://panasonic.sportsoho.com/啦！