港男不滿收$20利是 網上怒斥「佢哋有冇羞恥心」反被鬧爆

根據傳統習俗，有人會在正月十五元宵節當日拆利是，亦有人會在年初七人日，亦即今日拆利是；無論利是所包金額是多少，相信大家都會感到高興。但有男網民日前已率先拆利是，並在Facebook專頁「巴打絲打 Facebook Club」發貼表達不滿，指自己在2019年仍收到20元一封的利是，質問派出這些利是的人有沒有羞恥心，隨即引來大批網民非議。

該名網民上周六（9日）在「巴打絲打 Facebook Club」發貼表示：「點解啲人去到2019年20蚊利是都可以畀得出手？佢哋到底有冇羞恥心？廿年前我都收緊20蚊一封啦，啲樓都升咗幾倍啦，廿年後又係20蚊一封，發神經！」

{{hket:inline-image name="cny110220191.JPG"}}{{/hket:inline-image}}

對於樓主的一番言論，不少網民留言表示不同意，並怒斥其思想有問題，「不知所謂！」、「幾多錢都無所謂，講心意姐」、「利是呢樣嘢講意頭啫，唔係欠你嘅。你唔係派嗰個，你梗係買米唔知米貴啦」、「收咗廿年利是都唔派番嗰啲，咪仲無恥」、「人哋利是係一封心意同埋祝福，你可以唔X收㗎」、「好明白樓主好希望過年畀人開年，你做到了」、「我今年都收好多十元利是，樣樣嘢都貴晒人家都好重負擔，利是呢啲意頭嘢都係祝福，人家唔一定要派呀」

另有網民分析20年來，大多利是都是20蚊一封的原因，「廿年前大學畢業搵萬一二蚊，廿年後都係揾萬一二蚊」、「而家樓價咁高，人工又唔加，20 蚊利正常啦！係你唔正常啫」、「樓價升咗，物價亦都升咗，人工又唔係點升，個個都開金礦咖咩？！」、「反映經濟差；搵食艱難！」、「你人工廿年前幾多今日又幾多呀？有得收利是就好好珍惜啦！」。