齋飲神奇油排毒11日 鍾麗緹聲稱醫好糖尿病

最近鍾麗緹帶埋爸爸成家人暢遊蘇梅，仲喺微博大晒靚相，以行動證明48歲依然寶刀未老，堪稱娛樂圈美魔女！本來去旅行係開心事，但鍾麗緹嘅留言就惹嚟唔少是非，原來佢哋今次一家係去蘇梅島接受排毒療程，鍾麗緹更大讚療效神奇：「這十一天裡我們只喝了油，身體裡很多毒素都排出來了，感覺很輕鬆很舒服。身體裡很多的疾病，像是糖尿病，高血壓，肝硬化等等，都可以通過這個療程排出來！」又呼籲大家去蘇梅島排毒，令身體更加健康。

鍾麗緹嘅言論一出，即時惹嚟唔少網民質疑：「這是甚麼傳銷排毒？被洗腦了嗎？」、「11天只喝油，不吃飯，太危險了吧」、「能醫好糖尿病高血壓，真的如此神奇」不過亦有網民力撐鍾麗緹只係想分享好嘢，並無不妥，真係信不信由你呀！

{{hket:inline-image name="hf.jpg"}}{{/hket:inline-image}}

鍾麗緹微博