田蕊妮全裸相涉嫌抄襲 同原版到底有幾似

近日41歲田蕊妮為拍新碟《Saturnian》封面竟然大膽以全裸上陣，展現自信好身段，挑戰極限。為了得到最好體態，阿田跟足瘦身餐單又努力做gym操fit自己，4字頭仍有23吋腰，非常厲害。睇相見到兩個造型好靚，一個滿佈紫色金粉，再以人體彩繪畫上英文字「Anger、Jealousy、Passion、Relax」；另一個造型則以黑布遮掩，中門大開露出胴體與長腿之餘又巧秒地遮住私人部位，極具藝術感，亦拍得很唯美。不過就接連爆出抄襲風波，繼之前紫色金粉那幅相被網民話似樂壇天后容祖兒2009年舉辦的StarLight演唱會海報，如今又有網民質疑另一幅黑白相是抄襲捷克攝影巨匠Tono Stano的作品《Sense》。

幫阿田拍這幅相的攝影師是為《空手道》影劇照和海報的小雲，不過小雲就指全個唱片封套都是由阿田自己構思：「其實成個構思都係杜太諗嘅，佢大概同我講咗想要啲咩，我再去諗燈光等等嘅嘢，其實佢同我講呢件事嘅時候，金粉呢個部份都係佢同化妝師諗出嚟。」有部份網民就覺得阿田涉嫌抄襲：「第一次見到個封面嚇親，抄到咁足」、「好聽啲係叫模仿，唔好聽就叫抄」、「根本就係懶、無創意、求即食，從來唔尊重版權都係香港文化」，甚至要求攝影師小雲出來解釋；但有唔少網民力撐阿田沒有做錯：「唔好推啦！可能人地致敬相嚟」、「阿田嗰張啲樣同線條比較之下係真實啲嘅，唔知係咪抄佢」、「黑白相都係咁影啦，唔係想點影」等。

{{hket:inline-image name="14.jpg"}}{{/hket:inline-image}}

{{hket:inline-image name="13.jpg"}}{{/hket:inline-image}}

{{hket:inline-image name="15.jpg"}}{{/hket:inline-image}}

{{hket:inline-image name="12.jpg"}}{{/hket:inline-image}}

今次抄襲風波的另一主角Tono Stano於1960年出生於斯洛伐克，是一位享譽全球的大師級捷克攝影師，風格簡約、大膽而時尚，擅長人體和肖像攝影。當中拍攝於1992年的作品《Sense》將女性胴體優美地展現出來，震驚國攝影壇，先被選作國際著名攝影學者William A. Ewing的攝影名著《身體：人類形體攝影(The Body: Photographs of the Human Form)》(1994)一書的封面，再於2015年放在中捷當代美術館，作為藝術季系列活動展出。連館長覃琨瑛都大讚：「Tono stano以拍攝女人體著稱，佢利用黑色的背景同絨布製造咗各種暴露空間，等模特嘅胴體欲蓋彌彰，佢常常用典型嘅曲線營造一種動態。」，睇完大家覺得是抄還是巧合？

{{hket:inline-image name="11.jpg"}}{{/hket:inline-image}}