【土地問題】外傭放假冇埞去 將軍澳街頭紮營惹議

每逢假日，香港多地都有大量外傭用紙皮、地墊席地而坐，跟同鄉聚餐、聊天放鬆一下。有網民昨日在Facebook群組「將軍澳」上傳一張照片，內容為有多名外傭趁著周日假期在將軍澳街頭紮營，引來網民熱議。

據了解，該張照片拍於將軍澳唐明街公園附近一條行人路。從樓主上載照片顯示，一所學校旁邊的行人路布滿10多個帳篷，令該處搖身一變成為「露營勝地」。現場帳篷排列整齊，旁邊亦留有空間讓行人通過，且沒有垃圾留在地面上。據指，將軍澳區內亦出現不少類似的露營區，紮營者多為外傭。

{{hket:inline-image name="TKO280120191.jpg"}}{{/hket:inline-image}}

網民對此事的反應兩極，有人認為外傭行為不妥，「食環署人員到未？阻街呀喂」、「點可以咁㗎！」、「報警有無用？」、「點解唔去公園？行人路唔係休閒嘅地方」、「今早10點已滿晒，我見到都0晒嘴，變咗維園」。

但同時亦有大批網民認為，外傭這樣做並不過份，「一個星期先一日，佢地都要放假空間㗎！」、「無滋擾人，無整污糟地方，我覺得無問題呀」、「Ok喎，好過攤晒咁訓喺地」、「善同閒置土地！正！」、「姐姐都係離鄉別井打工，一日半日阻街嘅事就睇開啲」、「佢地放假可以去邊？佢地走又會清理番，我接受到」、「咁自律用完又有清理，都要俾啲空間人，一係就唔好要人嚟打工㗎啫」、「請不要尖酸刻薄對待幫忙處理家務的姐姐」。

{{hket:inline-image name="TKO280120197.JPG"}}{{/hket:inline-image}}