爆田蕊妮恥辱花名 杜汶澤：佢叫阿X

杜汶澤講嘢出名兇狠，唔止對仇家無情講，就算至親一樣無面畀！事緣最近佢主持網上節目《喱騷》，話題圍繞「人蠢無藥醫」，期間佢分享同豬朋之間嘅趣事，仲將矛頭直指老婆田蕊妮：「佢個名叫阿豬，佢真名叫田蕊妮，佢講得最多就係：『真係架？係咪真係架？』佢一世人講得最多就係真係架？所以佢好多地方都係叫阿豬，微信、whatapp好多group都係叫阿豬，大家都一致認同（叫阿豬）！」

阿澤嘅阿豬言論一出，即時全場爆笑，事關估唔到貴為視后嘅阿田，表面好似好醒，但原來在老公同朋友眼中竟然係阿豬，不過就有網民擔心，阿澤咁樣爆老婆秘密會有後果：「阿澤，小心返屋企跪玻璃」、「估唔到阿田係阿豬，佢真係咁蠢？」