湯鎮業最近回歸TVB，係《荷里活有個大老千》演出華探長一角，踏入花甲之年嘅佢保養得宜，係劇入面非常帥氣有型！相信大家對湯鎮業呢個名字唔陌生，佢當紅於80年代，同黃日華、苗僑偉、劉德華、梁朝偉有「無綫五虎將」稱號，1982年憑藉《香港浪子》一夜走紅，其後《天龍八部》英俊瀟灑嘅「段譽」更係令佢成為當時少女們最喜愛嘅「玉面小生」。睇番以前嘅相，湯鎮業年輕時真係靚仔到爆，絕對同「哥哥」張國榮有得揮呀！
（網上圖片）
（網上圖片）
湯鎮業嘅良好基因都有遺傳比仔女，今年60歲嘅佢有過兩段婚姻，育有六個子女，個個都樣貌標青，而且除咗佢嘅親生仔女，就連同佢有關係嘅親戚都係型男索女！
湯君慈、湯君耀
湯鎮業同前妻姜坤嘅一對雙胞胎兒子湯君慈（Bruce）、湯君耀（Chris），外表同年輕嘅湯鎮業極為相像，一樣咁靚仔有型，去年完成美國大學學業之後，佢地即與甄子丹的公司簽約，正式加入娛樂圈，之後仲參加咗電影《大師兄》嘅拍攝，最近正在做模特兒工作。
（湯君慈、湯君耀IG圖片)
（湯君慈、湯君耀IG圖片)
湯愛嘉
大女湯愛嘉同樣係湯鎮業第一任妻子姜坤所生，她外貌甜美，而且畢業於UCLA美國加州大學洛杉磯分校傳理系，絕對係有樣貌有學識，佢以模特兒身份宣布加入娛樂圏。
（湯愛嘉IG圖片)
（湯愛嘉IG圖片)
湯甜甜、湯圓圓
湯鎮業同現任妻子鄒文靜嘅一對孖女雖然年紀仲細，不過從照片可以睇得岀絕對係美人胚子！
湯鎮宗
湯鎮宗係湯鎮業親哥哥，活躍於80年代，一開始係邵氏電影公司出演角色，其後簽約亞洲電視，1990年代開始在中國內地拍戲，成為首批前往內地發展嘅香港演員之一，當時憑著電視劇《外來妹》增加係內地知名度。湯鎮宗後生同樣非常有型靚仔！
（網上圖片）
（網上圖片）
湯洛雯
湯鎮業嘅親姪女，2012年參選香港小姐獲得「旅遊大使獎」及「美麗昇華大使獎」兩個獎項，亦為當年港姐冠軍的熱門人選，但最後六強止步。 湯洛雯憑處境劇集《愛·回家》飾演「李思思」一角成功入屋，深得觀眾喜愛，因為樣子標緻，亦有「靚湯」之稱。
（湯洛雯IG圖片)
（湯洛雯IG圖片)
湯樂瑤
湯洛雯嘅親妹妹，同樣係湯鎮業嘅親姪女，雖然湯樂瑤唔係藝人，但因為佢身材勁好，時不時係IG大派福利唒泳衣照，加上頂住「湯洛雯親妹妹」光環，好快比網民起底，成為網路紅人。
（湯樂瑤IG圖片)
（湯樂瑤IG圖片)